Blogger Blog Ko Responsive Mobile Friendly Kaise Banaye

Blogger apna blog banane ke baad suruaat me bahut se kaam karte hai. Jaise blog ko achhe se design karna. Blog ko fast laoding banana. Aur apne blog ko mobile friendly banana etc.

Agar aapka blog wordpress platform par bana hai, to 99% chance hai ki aapka blog responsive mobile friendly hoga. Kyunki 95% wordpress theme mobile friendly hota hai.responsive mobile friendly blog

Aur agar aapka blog blogger platform par bana hai, to iski koi guarantee nahi hai ki aapka blog responsive mobile friendly hi hoga. Kyunki blogger platform ke liye bane kai theme aise hote hai, jo responsive mobile friendly nahi hote. Aur blog mobile device me achhe se open nahi hota.

Agar aapka blog blogger platform par hai. Aur agar aapke mann me doubt hai ki aapka blog mobile friendly hai ya nahi, to yahan par mein 2 link de raha hu, aap link par click kar ke apne blog ko check kar sakte hai. Google Mobile-Friendly Test, SmallSeoTools.

Blog Ko Mobile Friendly Kyun Banaye Aur Iske Fayde?

Internet istemaal karne wale jyadatar logo ke paas smartphone hota hai. Kyunki smartphone chota aur halka hota hai. Aur ise lagbhag har jagah le jaya ja sakta hai. Isliye jyadatar log smartphone me hi internet chalana aur koi site visit karna pasand karte hai.

Agar aapka blog blogspot platform par hai. Aur wo mobile device me achhe se open nahi hota. Or aapke blog ko mobile device me open karne par content crop ho kar open hota hai, to aise me aap bahut badi galti kar rahe hai.

Smartphone ki is duniya me agar aap ek blogger hai, aur aapke paas koi blog hai, to aise me aap apne blog ko mobile friendly jarur banaye. Kyunki aapka blog mobile devices me open karne par thik se open hoga, to aapke visitor’s aapke blog ko jyada visit karna pasand karenge.

Blog website par mobile aur tablet devices se aane wale visitor’s ki sankhaya bahut hi jyada hoti hai. Aur agar aise me aap apne blog ko responsive mobile friendly nahi banayenge, to aap ek bahut badi traffic ( visitor’s ) miss kar denge. Isliye mera to yahi manna hai ki aap apne blog ko mobile friendly jarur banaye.

Blog aur blog theme responsive mobile friendly hone ke kuch fayde bhi hai jo niche bataya gaya hai.

  1. Visitor ko mobile device me blog post पढ़ने me koi pareshani nahi hoga.
  2. Post crop ya hide hokar open nahi hoga.
  3. Blog ki loading speed fast ho jayegi.
  4. Aapka blog sabhi devices jaise smartphone, tablet, computer, laptop me open karne par thik se open hoga.
  5. Google search rank better hoga.
  6. Visitor blog ko jyada pasand karenge.
  7. Aapke blog ka future behtar hoga.

Blogger Blog Ko Responsive Mobile Friendly Kaise Banaye

1 : Sabse pahle Blogger Dashboard me jaye.

2 : Theme aur phir mobile version ke niche diye gaye Gear icon par click kare.

theme setting on blog

3 : Yes Show Mobile Theme On Mobile Devices ko select kare.

4 : Chose mobile theme ke box me se theme Select kare. Aap drop down menu par click kar ke yahan par apne manpasand theme select kare. Aur aap preview ke button par click kar ke preview bhi dekh sakte hai. Aapke blog par jo style sabse achha lage aap use select kar sakte hai.

5 : Save button par click kare.

theme version

Aasha karta hu blogger blog ko mobile friendly kaise banaye post aapko pasand aaya hoga. Aap blogspot blog se jude dusre post read karne ke liye yahan click kar sakte hai – Blogspot.

About Kishor Kumar Gupta 114 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

1 Comment

Leave a Reply

Your email address will not be published.


*