Blogger Blog Par Page Kaise Banaye Or Menu Me Kaise Add Kare

Hello blogger aaj ka ye post un new bloggers ke liye hai, jo blogging me naye hai. Aur jinhe blogging ke baare me jyada jankari nahi hai. Aaj ke is post me ham ye janengen ki blogger blog par page kaise banaya jata hai. Aur sath hi new page banakar menu me kaise add kiya jata hai.

Agar aap is tarah ke koi post khoj rahe hai to aap is post ko last tak dekhe. Kyunki maine is post me isse judi kuch point aur blog par page create kaise kiya jata hai, iske baare me step by step aur bahut hi vistar se bataya hai.

blogspot blog par page kaise banaye ki hindi jankari

Blogger par lagbhag 2 tarah ka content publish kiya jata hai. Pahla post aur dusra pages. Post aur pages me ye farak hota hai ki post to update hota rahta hai. Kahne ka matlab naye naye post publish hota rahta hai. Jinki koi limit nahi hoti. Par pages ki sankhya bahut hi kam hota hai.

Adhikansh blogger 5 se 7 pages hi apne blog par add karte hai. Inme se kuch pages ke name mein bata deta hu. Example : about us, contact us, privacy policy, disclaimer, aur terms and conditions etc. Aap link par click kar ke mere blog ke pages dekh sakte hai.

Blog Pages Kya Hota Hai?

Jaisa ki mein upar me bata chuka hun ki pages kai prakar ka hota hai. Jaise ki about us isme aapko apne bare me apni team ke bare me apne blog ke bare me jankari dena hota hai ki aap kya karte ho aap ki team me kaun kaun hai, aapke blog par kis tarah ki jaankari di jaati hai etc likhna hota hai.

Contact us page me apne readers ke liye ek contact us form lagana hota hai. Jiski madad se aapke blog ke readers aapse sampark kar sakte hai. Privacy policy page ki baat kare to isme apne readers ko ye batana hota hai ki aapka blog istemal karne ke liye kya kya niyam manna hoga etc likhna hota hai. Waise aur kai pages hota hai, jo blog owner apne jarurat ke hisab se apne blog par add karte hai.

Blog Par Page Add Karne Ke Fayde

Yahan par aapko batata chalu ki blog par page lagane ke kai fayde hai. Yahan par mein aapko sort me kuch fayde bata deta hu.

  1. Aap pages par apne social media ke sabhi link aur pages ke link add kar sakte hai. Isse aapke readers ko aapke social media ke pages ko kahin aur search nahi karna पड़ेगा. Aapke saare social media pages ka link aapke blog ke page par hi mil jayega. isse aapke readers ke kimti samay ki bachat hogi.
  2. Agar aap about us, contact us, privacy policy, terms and conditions etc pages ko apne blog/website par add karenge, to esse aapko apne blog ke jariye jyada earning ( kamai ) karne me aasaani hogi. Kyunki jab aap apne blog/website par ads lagane ke liye ad provide karne wali company ya yun kahen ki website me apply karenge to aapke inhi pages ko dekh kar ad provide karne wali website/company ad lagane ki permission degi.
  3. Aap apne blog/website ka sitemap bana sakte hai aur phir add kar sakte hai. Aur isse aapko aur aapke readers ko suvidha hogi.
  4. Aap apne readers ko apne aur apne team ke baare me information de sakte hai. Aur sath hi aap apne users ko ye bata sakte hai ki aapke blog ko kis tarah se istemal karna hai.

To doston ab is post ko aur jyada lamba na karte huye aayiye jaante hai ki blogspot blog par page banane ta tarika kya hai. Ise banana bahut hi asaan hai. Aap mere bataye gaye step ko achhe se follow kare.

Blogger Blog Par Page Kaise Banaye

1 : Sabse pahle aap apne Blogger Dashboard me jayen.

2 : Ab aap Pages aur phir New Page ke option par click karen.

create new page on blog

3 : Ab aap page tital me page ka Tital daale. Aur post area me apna Text likhen. Aur last me Publish ke option par click karenn.

page publish on blogspot

Congratulations ab aapne apna new page successfully bana liya hai. Ab aap banaye gaye new page ko blog ke menu ya blog ke home page par jarur add kar le.

Pages Link Blog Ke Home Page Par Kaise Add Kare?

Step 1 :

1 : Sabse pahle aap Blogger Dashboard me jayen.

2 : Ab aap Layout aur phir Add A Gadget par click karen.

add a gadget option

3 : Ab aap thoda scroll down kar ke thoda niche jayen. Aur phir pages ke option par click kijiye.

pages option on blogspot

Step 2 :

1 : Title me Title likhen. Aap pages bhi likh sakte hai. Ya aap ese empty ( khali ) rahne den.

2 : Select all me aap us pages ke aage Tick kare jise aap blog ke home page par dikhana chahte hai. Yahan par aap all select bhi kar sakte hai.

Add external link is option me aap koi link bhi add kar sakte hai. Aur agar aapko koi dusra link add nahi karna to ise aise hi empty rahne dijiye.

3 : Ab aap Save button par click kijiye. Aur last me Save Arrangement par click kar ke save kar den.

save page

Lijiye ab aapka kaam ho chuka hai. Ab aap apne blog ke home page par jakar dekh sakte hai. Aapke pages ka link aapke blog par show ho raha hoga.

Pages Ki Jagah Kaise Badle

Jagah badlana bahut hi asaan hai. Aap gadget ko drag aur drop kar ke jagah ko asaani se badal sakte hai.

Pages Link Menu Bar Me Kaise Add Kare?

Agar aapke theme me pahle se menu bar add hai. Aur aap usme apne pages ke link add karna chahte hai to aap mere bataye gaye step ko achhe se follow kijiye.

Note : Har theme ka menu bar setting alag alag tarike se kiya jata hai. post me jo tarika aur step bataya hai, adhikance theme ka menu setting karne ka tarika yahi hota hai. Isliye aap sab ki suvidha ke liye ye tarika bataya gaya hai.

Note : Aage ki step follow karne se pahle aap apne theme ka backup jarur le len. Kyunki aage ki step me theme ke andar kuch link add karna hai. Aur agar link add karte samay jara si bhi galti hue to aage aapko problem ka samna karna पड़ sakta hai. Isliye theme ka backup lena na bhule. Blogspot blog theme ka Backup kaise le.

1 : Sabse pahle aap apne Blogger Dashboard me jaye.

2 : Ab aap Theme aur phir Edit Html par click karen.

edit html

3 : Ab aap apne computer ke mouse ko theme ke andar kahin ek jagah par click kijiye. Aur phir apne keyboard me Ctrl Aur F button ko ek sath dabaye. Aisa karne se aapke theme ke andar ek search box open hoga.

Aap us Search Box me pahle se add menu bar ka koi ek Word likhen. Aur phir apne keyboard me diye gaye enter button par click karen.

search box on blog theme

4 : Search kiye gaye word theme ke andar mil jaane ke baad apne theme code ko dhyan se dekhe. Word ke aage # hoga. Aap # ki jagah kahne ka matlab # ko delete kar ke aap uski jagah apne page ka Url paste karen. Aur last me Save Theme par click karen.

save theme option

Agar aapko ye post blogspot blog par page kaise banaye pasand aaya ho to aap is post ko apne dusre blogger ke sath share kar sakte hai. Aap chahe to is post ko social media platform jaise facebook, twitter, whatsapp par bhi share kar sakte hai.

About Kishor Kumar Gupta 153 Articles
इनका नाम किशोर कुमार गुप्ता है। और ये ओड़िशा इंडिया में रहते है। किशोर कुमार गुप्ता indiamehelp.com के एडमिन और Owner है। इनको लोगो को हेल्प करना अच्छा लगता है। इसलिए ये अपने वेबसाइट के जरिए लोगो की हेल्प करते है। अगर आप इनसे संपर्क करना चाहते है, तो आप इनके +919090062359 Whatsapp नंबर पर मैसेज और [email protected] पर ईमेल कर सकते है।

17 Comments

  1. Nice bhai aap ka blog bahut acha laga
    Nic . And plz visit my blog and suggest

    golusejano.blogspotdotcom

  2. Ye aapne apne blog me kaun si theme lagai hai.

    Aap mera blog dekhe ki kaisa bana hai .koi kami ho to guide kare mujhe.

    • Sir main apne website par MH MAGAZINE PRO theme istemaal kar raha hu….
      Sir aapke blog ko thik se design nahi kiya gaya hai
      A – extra gadget remove kijiye
      B – author description ko thik kijiye
      C – social media pages ke link add kijiye
      D -menu bar ko thik kijiye
      E – theme ads banner ko remove kijiye

  3. M kayi bar ap ke blog par aa chuka hu aur aj mene comments padhi acha laga bro nice post
    Bro please help me

  4. Very good post! We are linking to this particularly great post on our website. Keep up the good writing.

  5. This is a topic that is near to my heart… Many thanks! Where are your contact details though?|

  6. भाई आप की जानकारी बहुत ही हेल्पफुल है। भाई मैंने ब्लाॉगिंग में अभी शुरु किया है। और मैं इसे फुल टाइम करना चाहता हूं क्यों कि मैंने भाई मीडिया ग्रेजुएट हूं इस लिए मैंने न्यूज टाइप का ब्ला़ग बनाया है।
    इसमें मुझे आप के ब्लॉग से बहुत मदद मिली है। इसमें सोशल मीडिया टूल्स कैसे जोडने हैं। मेन्यू कैसा हो थीम कैसी हो प्लीज मदद कीजिये। क्या मैं आप को फोन कर सकता हूं।
    प्लीज भाई मेरे ब्लॉग पर विजिट करके बताएं। bhartiyabulletin.blogspotdotcom

    • SANJAY jee aap social media pages ko jodne ke liye aap google par koi post search kijiye ya youtube videos ka sahara lijiye. agar aap ye nahi kar sakte to kisi professional blogger se apna blog full design karwa lijiye. rahi baat mujhe call karne ki to aap mujhe whatsapp par contact kijiye….

Leave a Reply

Your email address will not be published.


*