Blogger Blog Ke Domain Me Www Ki Setting Kaise Kare

Blogger blog ke domain me www ki setting kaise kare. Doston aap is post ko padh rahe hai iska matlab aap ek blog owner hai. Aur aapka bhi koi blog hai. Aur agar aap blog owner nahi hai, To koi baat nahi. Aap bhi apna khud ka blog kuch hi minutes me bana sakte hai. Free me blog banane ke liye google ka blogger.com sabse best platform hai.

Doston agar aap new blogger hai, ya purane blogger ho aapko blogging me successfully carrier banana hai to aapko har ek choti se choti galtiyo ko ya yun kahen ki choti se choti settings ko thik se karna hoga. Use aap andekha nahi kar sakte. Tab jakar aapko blogging me carrier ban payega. Aaj ke is post me ham ye janenge ki blog domain ko bina www. ke kaise open kiya jata hai. Taki blog chahe www. ke sath open kiya jaye ya bina www. ke sath blog aasaani se open ho sake.

blogger blog ke domain me www ki setting kaise kare

Doston aapne kabhi gaur kiya hoga ki google par jakar kisi blog/website ka sirf name likh kar open karne ki kosis kiya hoga to wahan par aapko kuch error aaya hoga. Error ka karan hota hai blogger blog ke custom domain ki setting achhe se nahi karna. Kahne ka matlab visitor’s chahe www. ke sath blog ka name likh kar google search engine par search kare ya bina www. ke aapka blog/website open hona chahiye.

To iske liye kya karna hoga ? Jee haan hum baat kar rahe hai blog ke setting me jakar aur custom domain me kuch settings karne ki. Uske baad visitor’s search engine par blog ko www. ke sath blog ko search kare ya bina www. ke aapka blog aaram se open hoga. aur visitor’s ko aapke blog par aane me koi pareshani nahi hoga. Isse aapke blog par traffic bhi badhega. Aur agar aapke blog par jyada visitors aayenge to aapka bhi hausla badhega.

Doston new blogger ko iske baare me jyada kuch pata nahi hota. Aur wo anjaane me ise thik nahi kar paate. Aur isse unhe khasha nukshan uthana पड़ता hai. Har blogger chahta hai ki uske blog par dher saare visitor’s aaye. Aur visitor’s aayenge to blog owner ko haushala bhi badhega.

Aap kalpana kijiye ki aapne koi achhi si blog bana li, aur usme achhe achhe post bhi likh kar publish bhi kar di. Par us blog par readers ko jaane me koi problem hogi to jahir hai ki log us blog ko ignore karenge aur uspar koi bhi nahi jayega. Aur readers blog par nahi jayenge to blog bana kar kya faida. isiliye har ek choti se choti settings ko achhe se karna hota hai. Sath hi sabhi kamiyon ko dur karna hota hai.

Blogger Blog Ke Domain Me Www Ki Setting Kaise Kare Ki Jankari

Is post ko aur jyada lamba na karte huye ab hum ye janege ki blog ke domain me www ki setting kaise karte hai. Ye bahut hi aasaan hai. Maine jo step bataya hai, maine godaddy domain ki setting bataya hai. Agar aap dusre company ke domain istemal kar rahe hai to koi baat nahi. Lagbhag sabhi ka same process hai. Bas page kuch alag tarike se open hoga. Aap mere bataye gaye step ko achhe se follow kare.

step 1 :

Sabse pahle aap apne godaddy account me log in kare.

Ab aap us domain par click kare, jisme aap www. ki setting karna chahte hai.

Ab aap additional settings me diye gaye option manage dns par click kare. Apne domain ki dns record ko dhyan se dekhe ki Google ki in 4 ip address pahle se add hai ya nahi.

Agar aapke domain ke dns record me Google ke ye 4 ip address jo upar me maine bataya hai agar pahle se add hai to dns records me aapko kuch aur add karne ki jarurat nahi hai. Aap sidha step 2 se bataye gaye step ko follow kare.

Agar aapko confusion hai ki kaise pata kare ki ip address pahle se add hai ya nahi to maine aap sab ki suvidha ke liye niche screen shot diya hai. Aap nichhe image me dekh sakte hai. Agar aapke domain dns records me niche diye gaye image ki tarah hai to ap sidha step 2 se aage ki step ko follow kare.

dns record

aur agar ye ip address pahle se add nahi hai, to sabse pahle ye 4 ip address ko add kare. ise kaise add karna hai niche vistaar se bataya gaya hai.

1 : Apne godaddy account me log in kare aur phir domains >>>> additional settings aur phir manage dns par click kare.

2 : Manage dns par click karte hi aapke custom domain ka dns records aapke samne hoga. Kyunki records ko update karna hai, isliye scroll down kar ke right side me niche diye gaye add option par click kare.

3 : Add par click karte hi aap kis tarah ka update karna chahte hai wo option aayega. Aap type me A select kare.

4 : Ab aapke saamne 4 box hoga. Niche bahut hi saral tarike se bataya gaya hai ki kis box me kya kya likh kar dalna hai.

1 Type : Me A rahne de, isme kuch bhi edit na kare.
2 Host : Me @ likhe.
3 Points : Me google ka 1st ip address 216.239.32.21 daale.
4 Ttl : Me 1 hour hi rahne de, isme kuch aur edit na kare.

Ab aap last me save ke option par click kare. Aur aage ki step ko follow kare.

godaddy-dns-record-update

Ab aapka ek ip address sahi se add ho chuka hai. Aur kyunki dns records me google ke 4 ip address add karna hai so upar bataye gaye same step ko apna kar baki ke 3 aur ip address ko bhi add kare.

Jab aap apne domain ke dns me diye gaye 4 ip address ko add kar denge to domain dns record kuch is tarah ka dikhega. Aap sab ki suvidha ke liye maine ek screen shot niche diya hai. Aap niche image me dekh sakte hai.

dns record

step 2 :

1 : Ab aap apne blogger dashboard me jaye.

2 : Ab aap settings >>>> phir basic par click kare.

3 : Ab aap blog address ke saamne apne domain address me diye gaye option edit par click kare.

blog address redirect setting

4 : Ab aap redirect yourdomain.com to redirect www.yourdomain.com ke aage tick kare. Aur last me save button par click kare.

blog address redirect setting 2

Ab aap google par jaye aur check kare ki aapka blog bina www. ke open ho raha hai ya nahi. Agar open ho raha hai, to achhi baat hai. Aur agar bina www. ke open nahi ho raha to aap thoda time intezaar kare. Kyunki dns record ko update hone me thoda time lagta hai. Isme 24 se 48 ghante tak ka samay lag sakta hai.

Apne Manpasand Domain Www Ya Without -Www Set Kare

Ab aapko last me ek aur setting karna hai. Jo aapke blog ka seo improve kar sakta hai. Ab aapko search console me ek choti si setting aur karna hoga. Ab aapko google search console ko ye batana hai, ki aap apne blog address ko www. ke sath dekhna chahte hai. To aayiye jaane ki iski setting kaise kiya jata hai.

1 : Sabse pahle aap search console ki home page par jaye.

2 : Ab aap us site par click kare, jisme aapne www. ki setting ki hai.

search console home page

3 : Ab aap upar me diye gaye right side me gear icon aur phir site settings par click kare.

site settings

4 : Ab aap site settings ke preferred domain ke option me apne manpasand address ko set kare. Jahan tak mera manana hai aap display urls as www. select kare. Aur last me save ke option par click kare.

save

Ab aapko kuch aur karne ki jarurat nahi hai. Aapne sabhi settings ko achhe se kar liya hai. Agar aap apne pasandida domain ( www. ya without www ki setting ke baare me vistar se janna chahte hai ki ise kaise set kiya jaata hai to diye gaye link par click kar ke vistar se hindi me padh sakte hai. click here.

Mujhe pura aasha hai ki meri batayi gayi step ko aapne achhe se follow kiya hoga. Aur agar phir bhi koi pareshani aa rahi hai ? to aap mujhe niche di gayi comment box me comments kar ke puch sakte hai.

Main hamesha yahi kosis karta hun ki mujhse jitna ho sake aap logo ko sabse saral kahne ka matlab aap logo ko sabse aasan tarika batau. Aaj ke is post me maine yahi kosis kiya hai. Aasha karta hu aapko mera ye post blogger blog ke domain me www ki setting kaise kare post pasand aaya hoga. Agar aapko mera ye post pasand aaya ho to aap is post ko apne dosto aur dusre blogger ke sath share kar sakte hai. Aap chahe to is post ko social media platform jaise facebook, twitter, google plus aur whatsapp par bhi share kar sakte hai.

About Kishor Kumar Gupta 119 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

7 Comments

    • sharma jee post ko check karne ke liye aap is website ki madad le sakte hai…. duplichecker
      rahi baat image ki to internet par jitne bhi images hai wo lagbhag sab ke sab copyright hote hai….

  1. sir mene ye to kr diya pr abhi bhi site nhin khul rhi hai or sir ye to tao ki aap jesa contact us page kese bnate hain

    • Aap 24 hours se 72 hours tak intezar kare kyunki records update hone me time lagta hai…..
      mera blog wordpress par hai aur agar aapka blog wordpress par hai to aap contact us page banane ke liye plugin ka sahara le sakte hai…..

Leave a Reply

Your email address will not be published.


*