Blogger Custom Domain Me Https Enable Kaise Kare

Aaj se kuch mahine pahle blogger platform par bane Blog aur us blog par istemaal ho rahe custom domain ke liye ssl certificate https security available nahi tha. Par ab aisa nahi hai. Blogspot ab thoda update ho chuka hai. Aur ab blog par use ho rahe custom domain ke liye bhi https security available hai.

Jaisa ki pahle yourblogname.blogspot.com ke liye hi https uplabdh tha. Par ab aap yourdomainname.com .in .tk aur jitne bhi custom domain hai aap un sabhi domain ke sath ssl certificate https enable kar sakte hai. Ye Bilkul free hai. Aur is setting ko karne ke liye aapko ek bhi paisa kharch karna nahi hoga. Ise aap bilkul free me apne blog par enable kar sakte hai.

blog me https kaise lagaye
Photo Credit – Salcapolupo – pixabay.com

Aapne kai saare blog aur website dekhe honge jinke url me http ki jagah https ( hyper text transfer protocol ) laga hota hai. Sath hi iske aage ek hara ( green ) rang ka pad lock bhi show hota hai. Iska simple sa matlab hua ki jis blog website ke url me green pad lock show ho raha hai wo https security se secure hai.

Jaisa ki maine upar me secure sabdh ka istemal kiya hai. Agar aap apne blog ki security jyada mazboot karna chahte hai. Yaani ki aap apne blog ko secure karna chahte hai, to aaj ka ye post aapke liye hi hai. Is post me isi ke bare me bataya gaya hai.

Http Aur Https Me Kya Different Hai

Kai new Blogger Ko iske bare me utna jyada jankari nahi hota. Is post me in dono ke bare me bataya gaya hai.

Http –

  1. YE blog banane ke sath hi default roop me milta hai. Aapka blog chahe jis kisi platform par bana ho, ye lagbhag sabhi platform par bilkul free me milta hai.
  2. Blog Par sirf Http hone se blog ki security kamzor hoti hai. Security kamzor hone ki wajah se adhikansh user blog ko visit karna pasand nahi karte.
  3. Site par sirf http enable hone se blog se data chori ya hack hone ka khatra hota hai.
  4. Isme data packets bina kisi security ke yaani ki bina encryyption ke send hota hai.
  5. Blogspot blog me sirf ye enable hone se jab bhi koi user apne browser me blog ko open karega to user ke browser me green pad lock show nahi hoga.
  6. Blog ko open karne par kai browser this site is not secure ka message show karega.

Https –

  1. Simple shabdo me bolu to iska matlab huya Hyper-Text Transfer Protocol Secure.
  2. Iski security Kaafi jyada mazboot hoti hai.
  3. Blog website par https enable hone se user ke browser me blog ka data encrypted and secure hokar send hota hai.
  4. Browser me data encrypted ho kar send hone ki wajah se koi bhi hacker data ko dekh ya hack nahi kar sakta.
  5. Blogspot blog me ssl certificate bilkul free me uplabdh hai. Jabki self hosting blog jaise wordpress aur godaddy platform par bane blog/website ke liye aapko ssl certificate ko alag se buy karna hoga.

Blog Par Https Enable Karne Ke Fayde

Blog par ise enable karne ke baad aapke blog ki security kaafi jyada mazboot ho jayegi. Aur koi bhi hacker aapke blog se kisi prakar ka koi bhi data chori nahi kar payega. Aur sath hi aapka blog aasani se hack nahi hoga.

Blog par https on karne ke liye aapko ek bhi paisa kharch karna nahi hoga. Ise aap bilkul free me enable kar sakte hai. Aur isse aapke blog ka sept ranking increase hoga. Or aapka blog aur blog post google me achha rank prapt karega.

Sabhi browser me this site is not secure ka warning message show hona band ho jayega. Aur jab bhi koi user aapke blog ko visit karega to user ke browser me green pad lock show hoga jise dekh kar user aapke blog par trust kar payenge. Aur wo bina kisi dar ke aapka blog visit karenge. Or future me next time bhi aapka blog visit karna pasand karenge.

Blogspot Blog Ke Custom Domain Me Https Ki Setting Kaise Kare

Agar aap apne blog me custom domain istemal nahi kar rahe. Aur aap apne blog me default domain use kar rahe hai, to aap is post ko read kar ke apne blogspot blog me https Enable kar sakte hai. Aur agar aap apne blog par custom domain istemaal kar rahe hai, to aap is post me bataye gaye step ko follow kare.

Agar aapke blog me custom domain pahle se set hai. Aur aap apne blog me https lagana chahte hai, to aap bataye gaye step ko follow kare.

1 : Sabse pahle Blogger Dashboard me jaye.

2 : Settings >>>> Basic ke option par click kare.

3 : Https Availability ke right side me diye gaye box me Yes select kare.

4 : Https Redirect ke right side me diye gaye box me Yes chune.

https availability setting

Ab aap refresh kar ke dekh sakte hai aapka blog green pad lock yaani ki SSL Certificate ke sath open hoga. Aur agar aapka blog green pad lock ke sath open nahi ho raha to aap kuch minutes ka intezaar kare. Kuch minutes intezaar ke baad aap apna blog open kar ke dekh sakte hai aapka blog green pad lock ke sath open hoga.

Https Enable Karne Ke Baad Kya Kare

Is setting ko karne ke baad aapne jitne bhi search engines me apne blog ko submit kar rakha hai un sab ka url delete kar ke new url yaani ki https ke sath phir se dobara submit kare. Example – Google Search Console, Yahoo Bing etc.

Aur sath hi Google Analytics, Google Adsense, aur jitne jagah bhi aapne apne blog ka url http ke sath submit kiya tha un sab ko delete kar ke https ke sath submit kare.

Ummid karta hu aapko mera ye post blogger blog ke custom domain me https enable kaise kare post aapko pasand aaya hoga. Aap blogspot blog se related dusre post read karne ke liye yahan click kar sakte hai. Blogspot.

About Kishor Kumar Gupta 114 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

1 Comment

Leave a Reply

Your email address will not be published.


*