Comment Policy Page Kaise Banaye Blog Website Ke Liye

Blog/website ke liye comment policy page kaise banaye. Agar aapke mann me ye sawal hai, to aap bilkul sahi post aur website par hai. Aaj ke is post me mein yahi batane wala hun. Agar aapko aisi kisi post ki talash hai, to aap is post ko last tak dekhe.

comment policy page kaise banaye

Agar aap ek blogger hai to aap achhe se jante honge ki comment blog ke liye kitna jaruri hota hai. Isse na sirf aapke readers aapse jude rahte hai, balki iski madad se visitors post me ki gayi misspelling aur agar post se related visitors ka koi sawal hota hai, to wo iski madad se puch sakte hai. Kai aur faide hai, jo niche vistaar se bataya gaya hai.

Jab koi reader post par comment karta hai, to blog owner ko bahut hi khushi hoti hai. Naye blogger ke liye comment bahut hi mayne rakhata hai. Aur unhe uska reply karne me utna hi khushi milta hai.

Blog Website Me Comment Box Ki Jarurat

Blog website owner’s apne suvidha ke anusaar apne blog website par ise lagate hai. To kai aise bhi hai jo comment box ko post ke andar comment box nahi lagate. Mera to yahi maanna hai ki ise apne site par jarur lagaye. Niche maine kuch point bataya hai ki ise kyun lagana chahiye jo aap read kar sakte hai.

  • Blog par comment box lagane se aapke visitor’s aapke jude rahenge. Aur aapko apne blog reader se ek achha sampark bana rahega.
  • Aapke dwara likha gaya post ko padhane ke baad agar visitor ko samajh nahi aata ya visitor’s ko koi step follow karne me asuvidha hoti hai, to wo comment kar ke puch sakta hai.
  • Aapke dwara likha gaya post me agar koi misspelling hai, to post reader aapko iski madad se suchit kar sakte hai. Aur suchit karne ke baad aap misspelling ko thik kar sakte hai.
  • Visitors post se related koi sujhao de sakte hai.
  • Post me agar koi khami ya koi information baki rah gaya ho, to post reader comment box ki madad se aapko suchit kar payenge.

Blog Website Par Comment Policy Page Ki Jarurat

Jaisa ki site par dusre pages ki jarurat पड़ती hai. Jaise about us, contact us, terms and conditions etc. Thik usi tarah agar aap apne site ke post par comment ko allow karte hai, to is page ko lagana bhi jaruri ho jaata hai. Is page ki madad se aap apne visitors ko comment karne se pahle kin kin baaton ka dhyan rakhana hai. Aur comment karne ke kya terms and conditions hai, wo is page me vistaar se bata sakte hai.

Kai aise log hai jo bina wajah site ke post par ulta sidha comment karte rahte hai. To kai aise blogger hai, jo apna aur apne site ke promotion ke liye post par comment aur uske sath koi link bhi add karte hai. Aise me site admin ko pareshani hoti hai. Kyunki bewajah aur faltu aur jyada comment aane ki wajah se admin ko reply dene me pareshani hoti hai.

Aur agar link me koi spam link add hota hai, to iske kaaran site ka rank bhi down hone ka khatra hota hai. Aur sath hi bahut se aise blogger hai jo jis post me comment ka reply diya jaata ho, waise site ko kai blogger visit karna jyada pasand karte hai.

Jab aap apne site par comment policy page bana kar apne site par add karenge, to bahut had tak spam aur faltu ke comment aane band ho jayenga. Kyunki jo bhi reader aapke post par comment karega wo page me bataye gaye rules ko follow kar ke hi karega. Aur use is page par wo sabhi information mil jayega ki kin kin baaton ka dhyan rakhana hai.

To doston is post ko aur jyada lamba na karte huye aayiye ye jaante hai ki is page me kya kya likhna hota hai.

Blog Website Ke Liye Comment Policy Page Kaise Banaye

Is page ko banana bahut hi aasaan hai. Jaisa ki aap dusre page create karte hai, thik usi tarah is page ko banaya jaata hai. Par isme aapko kuch baaten add karni hoti hai. To aayiye vistaar se jaante hai ki isme kya kya likhna hota hai.

  • Galat aur kharab word ka istemaal karne ke liye mana karna chahiye.
  • Comment kaise karna hai, aur kya kya information deni hai, uski jaankari deni chahiye.
  • Apna sahi aur real name, email aur site ka link add karne ke liye bolna chahiye.
  • Bina wajah comment karne ke liye mana karna chahiye.
  • Short word ka istemaal karne ke liye mana karna chahiye. Jaise wp, fb dp etc.
  • Kisi dusre person ya blog/website ke khilaf bolne ke liye mana karna chahiye.
  • Galat word istemaal karne walon ke khilaf unka comment spam folder me move karne ki warning deni chahiye.
  • Post se related comment karne ke liye bolna chahiye.
  • Kharab word aur galat bhasha istemaal karne walon ko hamesha ke liye block karne ki warning deni chahiye.
  • Jis bhasha me post publish kiya gaya hai, usi bhasha me comment karne ke liye bolna chahiye.
  • Ek sawal ko baar baar puchne ke liye mana karna chahiye.
  • Reader dwara kiya gaya comment ko site admin dwara edit, delete, move aur spam kiya ja sakta hai iski jaankari deni chahiye.
  • Comment ke jariye bewajah apna aur apne site ka promotion karne ke liye mana karna chaiye.
  • Link add karne ke liye mana karna chahiye.

Aur kai aisi baaten aap apne suvidha ke anusaar is page me likh sakte hai. Simple sabdon me bolu to agar aapko apne reader ke dwara kiya gaya comment ke tarike word ya koi aur dusri chiz se aitraaz hai, is page me likh kar unhe warning ya yun kahe ki unhe batana chahiye.

Blogger Blog Me Comment Policy Page Kaise Banaye

Mein upar me pahle hi bata chuka hun ki ise banana behad hi aasaan hai. Jaisa ki dusre page banaya jaata hai, same wahi process hai. Aap mere bataye gaye step ko achhe se follow kare.

STEP 1

1 : Sabse pahle aap blogger dashboard me jaye.

2 : Ab aap Pages aur phir New pages par click kare.

create new page blogger

STEP 2

1 : Page title me Comment Policy likhe.

2 : Content box me upar me bataya gaya Information ko type kare ( likhe ).

3 : Page par comment ko allow ya don’t allow kare. Agar aap comment policy page par apne visitors ko comment karne dena chahte hai to allow ko select kare. Aur agar aap is page par comment nahi karne dena chahte to aap don’t allow ke option ko select kare.

4 : Ab last me Publish ki button par click kare.

new comment policy page publish

Congratulations ab aapke blog par comment policy page ban chuka hai. Ab aap is page ko apne menu bar me jarur add kar le taki sabhi visitors ko aapka ye page dikh sake.

WordPress Blog Me Comment Policy Page Kaise Banaye

STEP 1

1 : Sabse pahle aap WordPress Dashboard me jaye.

2 : Ab aap Pages aur phir Add New par click kare.

create new page on wordpress

STEP 2

1 : Title me Comment Policy likhe.

2 : Content box me upar me bataya gaya Information ko type kare.

3 : Ab aap Publish ki button par click kare.

new page publish on wordpress

Congratulations ab aapke wordpress blog par comment policy page ban chuka hai. Ab aap is page ko apne menu bar me jarur add kar le, taki sabhi visitors aapke is page ko dekh sake.

Aasha karta hun aapko mera ye post blog ke liye comment policy page kaise banaye aapko pasand aaya hoga. Aur agar is post se related koi sawal ya sujhau hai to niche diye gaye comment box me comment kar ke jarur bataye.

About Kishor Kumar Gupta 114 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

2 Comments

Leave a Reply

Your email address will not be published.


*