Custom Permalink Kaise Use Kare Blogspot Blog Me

Blogspot blog me custom permalink ki setting kaise kare. Agar aapne apna blog google ke blogger.com par banaya hai, to aaj ka ye post aapke kaam ka ho sakta hai. Aaj ke is post me meine bahut hi vistaar se or step by step bataya hai ki blogger blog me custom permalink ki setting kaise kiya jata hai.

Aapka blog/website chahe kisi bhi platform jaise WordPress Joomla godaddy ya Blogger par banaya gaya ho. Blog banane ke baad sabse pahla kaam hota hai ki uski besic settings ki jaye. Aur uspar post kaise publish kiya jaye uski achhe se jankari karne ke baad blog par post ko publish karna chahiye. Par kuch new blogger blog banane ke turant baad post publish kaise kiya jata hai, uski achhe se jankari nahi rakhte. Aur wo sidha blog par post publish karna start kar dete hai.

blog me custom permalink kaise set kare

Jaisa ki wordpress blog me permalink setting karne ki 6 se 7 option diya gaya hai. Mein iske bare me pahle hi bata chuka hu ki wordpress blog me Permalink Ki Setting kaise kiya jata hai. Par blogspot blog me wordpress ki tarah jyada option nahi diya gaya hai. Blogspot me 2 tarah ki permalink setting karne ki suvidha di gayi hai. pahla automatic permalink jo apne aap set ho jata hai. Or dusra custom permalink jo aap khud set kar sakte hai.

New blogger ko permalink ke baare me utna jyada pata nahi hota. Or wo isko jyada important nahi dete. Par yahan par aapko batata chalu ki agar aap apne post ko user friendly or search engine friendly banana chahte hai, to permalink ka sahi istemal aur isme apna focus keyword add karna jaruri ho jata hai.

Blog Me Permalink Ka Sahi Upyog Karna Kyun Jaruri hota Hai

Agar aap ek blogger hai, to aapne on page seo ke baare me jarur suna hoga. On page seo matlab post ko search engine optimize banana. Permalink bhi on page seo ka hi ek hissa hai. Aap iska sahi upayog kar ke apne post ko user friendly or sath me search engine friendly bana sakte hai.

Example – Aap jab bhi koi new post likhte hai, to Blogger blog me default Permalink automatic hota hai. Automatic Permalink me post title ke word automatically add ho jate hai. Jisme har baar aur sabhi post me aapka focus keyword automatic add nahi hota. Par Permalink setting me aap custom Permalink select kar ke isme aap apne hisab se focus keyword add kar sakte hai.

Custom Permalink me aap apne post ke target keyword ko add kar ke post ko search engine friendly aur sath hi user friendly bana sakte hai. Ye seo ke najariye se bahut hi jaruri hota hai. Aapne kabhi gaur kiya hoga ki aap jab bhi google ya dusre search engine me koi post search karte hai, to kabhi kabhi search results me post ka permalink bhi show hota hai. Isliye iska sahi upyog karna behad jaruri hota hai.

Search engine jaise google bing or dusre jitne bhi search engine hai, wo user friendly permalink jyada pasand karte hai. Search engine sabse pahle post title or uske baad post ka permalink scan karta hai. Aur agar aap isme apna target keyword ( focus keyword ) add karenge to aapke post ko search engine se achha rank milega. Isliye iska sahi se upayog karna jaruri ho jata hai.

Blogger Blog Me Custom Permalink Kaise Set Kare

Mein pahle hi bata chuka hun ki blogspot blog me favicon icon kaise add kiya jata hai. Mujhe lagta hai ki upar me bataye gaye baaton ko achhe se read kar ke aap achhe se samajh gaye honge ki aapke blog post ke liye kaun sa permalink sabse achha hai. To is post ko aur jyada bada na karte huye aayiye dekhe ki iska upyog kaise karna hai.

1 : Sabse pahle aap Blogger Dashboard me jaye.

2 : Ab aap Posts >>>> New Post par click kare.

3 : Title me post ka Title likhe. Aur post area me Post likhe.

4 : Ab aap right side me diye gaye permalink ke option par Click kare. Aap jaise hi permalink par click karenge aapke samne 2 option aa jayega.

5 : Diye gaye option me se Custom Permalink select kare.

Example ke liye aapke post ka title hai, blog me twitter follow button kaise add kare. To automatic permalink me apne aap permalink kuch is tarah ka calculate ( select ) ho jayega. Aapko apne permalink ko niche bataye gaye AFTER jaisa karna hai.

BEFORE – https://indiamehelpdemo.blogspot.com/2018/03/blog-me-twitter-follow-button-kaise-add.html

AFTER – https://indiamehelpdemo.blogspot.com/2018/03/twitter-follow-button.html

Agar aapka focus keyword hai ”twitter follow button” to aap custom permalink ke box me twitter-follow-button likh de. Aur last me Done ke option par click kar de. NOTE : Custom permalink me Stop word ka istemaal na kare. Aur aapka jo post ka focus keyword hai sirf us word ko hi custom permalink me likhe. Lijiye ab aapne apna kaam successfully kar liya hai. Ab aapko kuch aur karne ki jarurat nahi hai.

Blog Me Custom Permalink Ki Setting Kab Kare

NOTE : Post me bataya gaya step aap us time follow kare jis time aap new post likh rahe ho. Aapke dwara publish kiya gaya purane post ke permalink me aap kuch bhi edit na kare. Nahi to aapke reader dwara search engine me post search karne aur search result me aapka post show hone aur us post ke link par click karne par user ko post not found, 404 error show hoga. Isliye bataya gaya step sirf new post publish karte samay kare.

Aasha karta hun aapko mera ye post blogger blog me custom Permalink ki setting kaise kare aapko pasand aaya hoga. Aur agar is post se related koi sawal ya sujhao hai, to aap niche diye gaye comment box me comment kar ke bata sakte hai. Aap is post ko apne dusre blogger ke sath share kar sakte hai. Blogspot blog se jude dusre post read karne ke liye yahan click kare – Blogspot.

About Kishor Kumar Gupta 123 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

1 Comment

Leave a Reply

Your email address will not be published.


*