Blogspot Blog Ka Full Backup Data Download Kaise Kare

Jyadatar new blogger google par blog create karne ke baad blog ki settings karte hai, aur post publish karte rahte hai. Par wo blog ki security aur blog data backup par dhyan nahi dete. Par ye security ki najar se ye jaruri hota hai. Jyadatar old blogger chahe wo wordpress par ho ya blogspot par apne blog ka backup weekly monthly ya automatically jarur lete rahte hai.blogger blog ka full backup kaise le

Blogger Blog Ka Backup Lena Kyun Jaruri Hota Hai

Internet ki duniya aisi hai ki aap aankh band kar ke vishvas nahi kar sakte. Kab kya ho jaye kuch kaha nahi ja sakta. Aap thodi si galti karenge aur aapka blog kisi hacker dwara kab hack kar liya jayega kuch kaha nahi ja sakta. Isliye sabse pahle blog ki security aur dusra blog ka full backup data rakhna jaruri ho jata hai.

Account hack ek aisa shabd hai jise sun kar log dar jate hai. Maan lijiye galti se aapka blog hack ho jata hai. To aap kya karenge ? phir to aap achhi khashi musibat me पड़ jayenge. Kyunki aapke paas aapke blog ka data jaise sabhi post, comment, pages aur sabhi images ka backup data nahi hoga. Isliye blog ka full backup rakhna jaruri ho jata hai.

Kyunki blogspot blog google ki ek free service hai. Log ispar bina ek paisa kharch kiye blog bana sakte hai. Par aapko batata chalu ki google aapke blog ko kisi bhi wagah se chahe wo blog par spam karna ho, ya blog par copyrighted post or images use karna ho, ya koi aur wajah se aapke blog ko sidha delete bhi kar sakta hai. Aise me behad jaruri ho jata hai ki aap apne blog data ko weekly ya monthly backup lete rahe.

Simple sabdon me bolu to backup data ki jarurat us samay hota hai, jab aapke blog me koi problem aa jaye. to iske baad aap backup liye gaye data jo aapke computer, smartphone ya pendrive me save hota hai. uski madad se aap dobara apne blog ko phir usi condition me la sakte hai. Aur sath hi aapka blog hack ho jane par bhi ye backup data kaam aata hai.

Blogger Blog Ka Backup Download Kaise Le Ki Hindi Jankari

Mein pahle hi bata chuka hu ki Blogger Blog Theme download kaise liya jata hai. Blog theme ka backup alag hota hai. Aur blog ka backup alag hota hai. Blogger blog ka full backup lena bahut hi saral hai. Iske liye aapko jyada kuch karne ki jarurat nahi hai. Jaise aap kisi website se koi file download karte hai thik waisa hi karna hai. Nichey maine step by step bataya hai. Aap mere bataye gaye step ko follow kar sakte hai.

1 : Sabse pahle aap Blogger Dashboard me jaye.

2 : Ab aap settings >>>> other >>>>> aur phir back up content par click kare.backup content data

3 : Aap jaise hi back up content par click karenge ek pop up windows open hoga. Last me aap save to your computer ke option par click kare.

Aap jaise hi save to your computer par click karenge, aapke blog ka data download hona start ho jayega. Aap thoda der intzaar kare. Download complete hone me thoda samay lag sakta hai. Ye aapke internet connection par nirbhar karega.

Download Kiye Gaye Backup Data Ka Kya Kare.

Backup liye gaye data ko aap apne pendrive, smartphone, ya computer me store kar ke rakh sakte hai. Aur jaisa ki name se hi pata chal jata hai ki ye data kab kaam aayega. Download kiya gaya data aapko us waqt kaam aayega jab aapke blog ke sath kuch galat ya yun kahen ki gadbad ho jaye.

Ye data aapke blog hack hone par, ya blog me kuch edit karte samay kuch gadbad ho jane par aapke dwara liya gaya backup data se aap apne blog ko phir se recover kar sakte hai. kahne ka matlab phir se usi condition me la sakte hai. Aap samay samay par week me 1 baar ya month me 2 se 3 baar apne blog ka full backup lete rahe jo samay aane par ye data kaam aa sake.

Aasha karta hun aapko mera ye post blogger blog ka backup download kaise kare post aapko pasand aaya hoga. Aur agar is post se related koi sawal ya sujhao hai, to aap niche diye gaye comment box me comment kar ke bata sakte hai. Aap blogger blog se jude dusre post read karne ke liye yahan click kar sakte hai – Blogger.

About Kishor Kumar Gupta 123 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*