Android Mobile Se All Duplicate Files Delete Kaise Kare

Kya aapke mobile phone me bahut sare duplicate files save hai. Jaise koi photo, audio, video ya koi documents etc. Agar haan to aaj ka ye post aapke kaam ka ho sakta hai. Aaj ke post me meine bahut hi saral tarike se bataya hai ki mobile se duplicate files delete kaise kiya jata hai.

Aaj kal internet ka zamana hai. Lagbhag har smartphone user apne smartphone me internet istemal karte hai. Aur internet se photos, videos, aur audio download karte hai. Par kai baar aisa hota hai ki aapke dwara download kiya gaya file pahle se hi aapke mobile me hota hai. Aur aapko us file ke baare me pata nahi hota. Aur aap internet se us file ko download kar lete hai jo pahle se aapke mobile me already maujood hota hai. Aise me aapke mobile me ek hi file ka ek aur duplicate file save ho jaata hai.Mobile Se Duplicate Files Delete Kaise Kare

Mobile me duplicate file save hone ka dusra sabse bada kaaran hota hai whatsapp. Whatsapp par ek file jaise koi photo, video ya audio file kai log send karte hai. Natija ye hota hai ki ye sabhi file aapke mobile ke memory me save hota jaata hai. Aur aapke mobile me bahut saare duplicate file save ho jaata hai.

Mobile Se Duplicate Files Delete Karna Kyu Jaruri Hota Hai

Koi bhi person apne mobile me ek file ko ek se jyada baar save kar ke nahi rakhna chahta. Chahe aapke mobile me jitna bhi space ( memory ) maujood ho. Ek file jaise koi photo video ya audio. Agar ek se jyada file hota hai to na sirf aapke mobile me space ko cover karta hai balki aapko bhi pareshani hota hai.

Example – agar aap koi music play kar ke sun rahe ho aur ek hi music ka duplicate file maujood hone ki wajah se wahi music phir se play hota hai. Aise me aap pareshan ho jate hai. Isse bachne ka sabse achha tarika ye hai ki aapke mobile me jitne bhi duplicates files hai wo sab ke sab delete kar diya jaye.

Kai logo ke smartphone me space ki koi kami nahi hota. Par jinke smartphone me bahut kam space ( memory ) hota hai. Agar unke mobile me dher saare duplicate file maujood hota hai, To unhe pareshani hoti hai. Aur wo chahte hai ki kaise apne mobile se in duplicate files ko delete kiya jaye.

Par bahut saare duplicate files hone ki wajah se ek ek file ko delete karne me kafi samay lag sakta hai. Aaj ke is post me maine sabhi duplicates file ko bas ek click me kaise delete kiya ja sakta hai. Iske baare me step by step bataya hai.

Android Mobile Se Duplicate Files Delete Kaise Kare

Agar aapke mobile me ek hi file ke kai duplicate copy save hai. To jahir hai ki ek ek kar ke sabhi files ko delete karne me kafi samay lag jayega. Agar aap un sabhi duplicates files ko ek click me delete karna chahte hai, To aap mere bataye gaye step ko follow kare. Iske liye aapko third party app ( application ) ki jarurat hogi.

Google ke play store par kai aise app ( application ) maujood hai jo aapke smartphone se duplicate files ko search kar ke bahut hi aasani se delete kar degi. Aaj ke is post me maine 3 app ka name bataya hai. aur sath hi in 3 app ka link bhi diya hai. Jo aap link par click kar ke download kar sakte hai. Aapko batata chalu ki ye sabhi app free hai. Aur app ko download karne ka ek bhi paisa nahi lagta.

1 Duplicate Files Fixer.

2 Duplicate Media Remover.

3 Remo Duplicate File Remover.

Sabhi Duplicate Files Delete Karne Ka Tarika

Example ke liye meine jo step bataya hai wo duplicate files fixer app ka step bataya hai, Jo aap follow kar sakte hai. Ye app use karne me sabse aasan or achha hai. Aap iske jariye files ki sirf ek categories ko select kar ke bhi delete kar sake hai. Aur sabhi categories ko select kar ke ek sath bhi delete kar sakte hai.

1 : Sabse pahle aap google ke play store se is app duplicate fixer app ko download kar le aur use install kar ke open kare.

App ko open karne ke baad kuch welcome messages show hoga. Aap next ki button par click kar ke app ke home page par aa jaye.

2 : Full duplicate scan ke right side me diye gaye box ko tick kare.

3 : Scan now par click kare.scan media file

Mobile se sabhi duplicate files ko search karne me kuch minutes ka samay lag sakta hai. Isliye aap thoda intezar kare. Ab aapke mobile me jitna bhi duplicate files save hoga wo sabhi files scan hoke aapke samne aa jayega.

4 : Delete now ke option par click kare.

5 : Confirm delete ke option par click kare.delete all duplicate files permanently

Lijiye ab aapka kaam ho chuka hai. Ab aapke smartphone se sabhi duplicate files jaise photo, video, audio, documents files hamesha ke liye delete ho chuka hai.

Aasha karta hu aapko mera ye post android mobile se duplicate files delete kaise kare post aapko pasand aaya hoga. Aur agar is post se related koi sawal ya sujhao hai to aap niche diye gaye comment box me comment kar ke bata sakte hai.

About Kishor Kumar Gupta 123 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

2 Comments

  1. Micromax canvas q380 me delete now ko click karne par recent ka obtion aata hai or file delete nahi hoti eska Karan batay

    • agar aapke smartphone me koi app work nahi kar raha to aap playstore se dusra koi aur app download kar ke istemaal kare….

Leave a Reply

Your email address will not be published.


*