Facebook Group Kaise Banaye Step By Step Puri Jankari

Lagbhag sabhi internet use karne wale log facebook ka istemal karte hai. Ispar aap apne liye khud ka Facebook Account, Facebook Page aur facebook group bana sakte hai.

Facebook par ise banana bahut hi saral hai. Aap kisi bhi topic ko lekar ya apne jaan pahchaan ke logo ko lekar facebook par group bana sakte hai.

facebook group kaise banaye
फोटो साभार : geralt- pixabay.com

Ise banane ke liye aapko ek bhi paisa kharch karna nahi hoga. Iske liye aapke paas ek khud ka facebook I’d, internet connection, or Smartphone, Tablet, ya Computer hona jaruri hai.

Jaisa ki mein upar me pahle hi bata chuka hu aap kisi bhi topic ko lekar entertainment ke liye, time paas ke liye, ya group me baatchit, post karne ke liye ise create kar sakte hai.

Aap chahe to apne family, friends, school/collage friends ya apne office ke logo ke liye bhi ise bana sakte hai. Isme aap apne mann ke mutabik jitne member’s add karna chahte hai add kar sakte hai.

Jahan tak member’s ki baat hai iski koi limit nahi hai. Aap khud admin ban kar jitne chahe utne member’s add kar sakte hai. Aur aap chahe to 3, 300, 3000 ya 300000 logo ko bhi apne group me add kar sakte hai.

Facebook Group Kya Hai Aur Iski Jarurat

Aapne whatsapp par koi group dekha hoga. Usme sabhi member’s post send karte hai. Thik waise hi facebook group hota hai. Isme bhi sabhi member’s post kar sakte hai. Log isme add ho kar ek community banate hai. Aur isme koi bhi member post kar sakta hai. Par iske liye group me posting permissions anyone the group enable hona chahiye.

Niche meine kuch topic bataya hai. Aap niche bataye gaye koi bhi topic par facebook group create kar sakte hai.

  1. Koi bhi topic par banaya ja sakta hai.
  2. Aap apne online/offline business ke liye bana sakte hai.
  3. Koi topic, koi field me ek dusre ko help karne ke liye create kar sakte hai.
  4. Entertainment ke liye banaya ja sakta hai.
  5. Local area koi palace ke name par banaya ja sakta hai.
  6. Blog, website, youtube video ka link share karne ke liye create kar sakte hai.
  7. Text post, photos, videos share karne ke liye bana sakte hai.
  8. Apne school, college, office ke name par bana sakte hai.

Facebook par ise create kar ke aap text post, photo, video upload kar sakte hai. Aur sath hi agar aapka koi blog ya website hai, to aap apne blog website ke post ka link ispar share kar sakte hai.

Example ke liye aap mera Facebook Group India Me Help dekh sakte hai. Mein isme apna blog post ka link, aur information share karta hu. Sath hi aur bhi kai member’s jo isme pahle se add hai, wo sabhi text post, photo, video, blog post link, youtube video link etc isme publish karte hai.

Admin Kise Kaha Jata Hai, Aur Admin Ka Kya Kaam Hota Hai?

Aapko jankari ke liye batata chalu ki aap ek group me ek se jyada admin rakh sakte hai, jo dusre member ki post ko approval dega. Sath me wahi admin group me dusre new member’s bhi add karega.

Yahan par aapko suvidha ke liye batata chalu ki admin use kahte hai jo group ka dekhbhal karta hai. Aur sath me group ko handel karta hai. Or dusre kaam karta hai.

Example group activity par najar rakhna, member’s add karna, dusre member dwara kiya gaya post ko approve karna, agar koi spam kar raha to use bahar karna ya use block karna etc.

Admin kai kaam karte hai. Aap khud to admin ban hi sakte hai, sath me aap dusre member ko bhi admin bana sakte hai. Ek facebook group me aap multiple admin rakh sakte hai.

Facebook Public, Secret Or Closed Group Me Antar

Facebook par pahle se lakho karodon groups maujood hai. Aap apne manpasand group facebook par search kar ke join bhi kar sakte hai. Aur usme add ho kar aap post publish kar sakte hai. Iske liye usme member’s post enable hona chahiye.

Facebook par new group banana bahut hi asaan hai. Aur aap ise create kar ke aur iski setting kar ke aap ise Public, Closed ya Secret kar sakte hai. Niche maine bataya hai ki in teeno me kya antar hai.

Public : Koi bhi name dekh sakta hai, search kar sakta hai, aur isme join ho sakta hai. Sath me koi bhi isme kiya gaya post dekh sakta hai, aur sath hi post likes post par kiya gaya comments dekh sakta hai.

Closed : Isme kiya gaya Post, post par kiya gaya Likes aur Comments sirf members log hi dekh sakte hai. Aur iska Name koi bhi dekh sakta hai, aur ise search kar sakta hai. Koi bhi isme Join hone ke liye Request kar sakta hai.

Secret : Iska lagbhag sab kuch secret hota hai, aur iska name sirf members log hi dekh sakte hai. Aur sath me search kar sakte hai. Or isme kiya gaya post, post par kiya gaya likes aur comments sirf membres log hi dekh sakte hai. Isme admin kisi ko bhi add kar sakta hai.

Facebook Par Group Kaise Banaye

Step 1 :

1 : Sabse pahle apne Facebook Account me log in kar le.

2 : left side me diye gaye Groups par click kare.

facebook group

3 : Upar right side me diye gaye Create Group ke option par click kare.

create group

Step 2 :

Ek pop up window open hoga. Isme group name enter karna hai. Aur sath me add some people aur privacy select karni hai.

1 : Name Your Group : Name enter kare jis name se aap banana chahte hai.

2 : Add Some People : Member’s Add kare. Jise aap add karna chahte hai uska name likh kar ke search kar sakte hai aur phir use add kar sakte hai.

3 : Select Privacy : Isme aap privacy select kare. Yahan par aap chahe to Closed select kar sakte hai.

4 : Create ke option par click kare.

create facebook group

Aap jaise hi create par click karenge aapka group ban kar taiyaar ho jayega. Banne ke baad kaisa dikhega aap ki suvidha ke liye niche meine screen shot diya hai, jo aap dekh sakte hai.facebook group

Aasha karta hu aapko mera ye post facebook par group kaise banaye post pasand aaya hoga. Aap facebook se jude dusre post read karne ke liye yahan click kar sakte hai. Facebook.

About Kishor Kumar Gupta 140 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

3 Comments

Leave a Reply

Your email address will not be published.


*