Google Chrome Browser Ke Liye Top 10 Useful Extension

Aaj ka ye post computer aur google chrome browser user ke liye hai, jo apne browser ke liye best Extension ki talash me hai. Is post me Top 10 Google Chrome Browser Extension ke bare me bataya gaya hai, jo aapke liye bahut hi upyogi saabit ho sakta hai.

Internet istemaal karne ke liye user ko browser ki jarurat hoti hai. Browsing karne ke liye log Google Chrome Browser, Mozilla Firefox, Safari or Microsoft Edge ka istemaal karte hai. Aise aur bhi kai browser hai jo browsing karne ke liye log istemaal karte hai.top 10 chrome browser extension list in hindi

Par inme se adhikansh log Mozilla Firefox aur Google Chrome Browser ko istemaal karte hai. Google chrome browser google ka official browser hai. Aap iss browser aur browser me extension install kar ke apne browsing experience ko intresting time saving aur money saving bana sakte hai.

Chrome browser ke web store par bahut sare extension maujood hai. Aap apne manpasand category ko select kar ke usme se apne jarurat ke hisab se extension install kar sakte hai. Aapko jankari ke liye bata du extension ka size jyada bada nahi hota, aur ye kuch hi mb ka hota hai.

Is post me 10 best chrome browser extension ke bare me bataya gaya hai, jo lagbhag sabhi chrome browser use karne wale ke browser me install hota hai. Post me bataye gaye extension ko apne chrome browser me install kar ke aap apne browsing experience ko aur bhi jyada aasaan bana sakte hai.

Extension Kya Hota Hai?

Agar aapke paas smartphone ya computer hai to aapne Application or Software name jarur suna hoga. Android smartphone ke liye android app hota hai. Aur computer pc ke liye software hota hai. Thik waise hi chrome browser ke liye extension hota hai.

Example ke liye maan lijiye android smartphone me aap apni jarurat ke hisab se koi android app download karte hai. Aur usi ke sath aapke smartphone me ek naya feature add ho jata hai. Thik waise hi google chrome browser ke liye extension kaam karta hai. Extension ko add karte hi aapke browser me ek naya feature add ho jata hai.

Chrome Browser Ke Liye Extension Kahan Se Download Kare?

Jaisa ki aapko maaloom hoga ki android smartphone ke liye agar koi app aur game download karna hota hai to uske liye google ka play store hai. Thik waise hi chrome browser ke liye agar aapko koi extension download karna hai to uske liye Chrome Web Store hai.

Agar aapko koi bhi extension apne chrome browser me download karna hai, to aap upar me bataye gaye link par click kar ke download kar sakte hai. Is post ko aur jyada lamba na karte huye aayiye jante hai 10 aise extension ke bare me jo aapke chrome browser me helpful saabit ho sakta hai.

Top 10 Useful Google Chrome Browser Extension List

  1. Google Translate
  2. Lightshot
  3. Honey
  4. Lastpass: Free Password Manager
  5. Pic2pixlr
  6. Search By Image ( By Google )
  7. Adblock Plus
  8. Screencastify ( Screen Video Recorder )
  9. Turn Of The Lights
  10. Google Input Tools

1 : Google Translate

Ye ek kamaal ka tool hai, ye uss samay kaam aata hai, jab aapko koi language samajh nahi aata. Aap google translate ki madad se koi bhi article ko apne favorite bhasha me translate kar ke bahut hi aasani se पढ़ sakte hai.

Example ke liye maan lijiye aapki english utni achhi nahi hai. Aur aapko koi article english me read karne me pareshani aa rahi hai, to aap google translate tool ki madad se aap apne manpasand language Hindi, Urdu, Tamil etc language me uss article ko translate kar ke padh sakte hai.

2 : Lightshot

Kai baar aisa hota hai ki browsing karte samay hame kabhi kabhi kisi page, post ya kisi image ka screen shot lene ki jarurat hoti hai. Ye tool mukhya taur par screen shot lene ke liye hi banaya gaya hai.

Iske jariye aap kisi bhi page post ka screen shot le sakte hai. Sath hi aap screen shot le kar use edit bhi kar sakte hai. Aur sath hi use edit kar ke logo ke sath share bhi kar sakte hai.

3 : Honey

Agar aap online shopping karte hai. aur aap koi bhi product jaise Smartphone, Led Tv, Computer, Domain, Hosting ya koi bhi products online buy karte hai, to ye tool aapke kaam ka ho sakta hai.

Online shopping karte samay product par discount paane ke liye agar aap 10 se 12 website par coupon code search karte hai, to ab aapko itna mehnat karne ki jarurat nahi hoga. Kyunki isme aapko honey extension madad karega.

Ye tool site or product par chal rahe best offer show karta hai. Aur shopping checkout karte samay automatically discount code ( coupon code ) enter kar ke aapke paise bachata hai.

4 : Lastpass: Free Password Manager

Agar aapko internet par banaye gaye apne sabhi account ka user name aur password yaad rakhne me pareshani hota hai, to lastpass tool aapke kaam ka ho sakta hai.

Ye istemaal karne me aasan to hai hi, sath me ye surachit bhi hai. Lastpass ek password management tool hai. Gmail, Rediffmail, Blogspot, Shopping Website, Social Media Accounts aur aapke dwara internet par banaye gaye lagbhag sabhi account ka User Name aur Password ye extension yaad rakhta hai.

Ise istemaal karne ke liye aapko bus lastpass ka password yaad rakhna hoga. Aapko apne kisi bhi account me log in karne ke liye lastpass ka password enter karna hoga. Aur ye extension aapke uss account ka user name aur password sync kar ke uss account me automatic login kar dega.

5 : Pic2pixlr

Agar aapke computer laptop me photoshop hai aur aapko photoshop software istemaal karna nahi aata, to ye tool aapke kaam ka ho sakta hai. Pic2pixlr ki madad se aap kisi bhi web image ko apne chrome browser par hi edit kar sakte hai.

6 : Search By Image ( By Google )

Internet par maujood kisi bhi image ka details janne ke liye ye extension aapki madad kar sakta hai. Image ki location aur dusri details janne ke liye ye best tool hai.

7 : Adblock Plus

Browsing karte samay agar aap ads, pop-up ads, animated ads, facebook ads etc ads se pareshan hote hai, to aap adblock plus ko apne chrome browser me install kar le.

Adblock plus tracking or malware se protect to karta hi hai. Sath me lagbhag sabhi tarah ke ads ko block kar deta hai. Aur aap bina kisi ads ke browsing kar payenge.

8 : Screencastify ( Screen Video Recorder )

Ye ek screen video recorder hai. Iski madad se aap apne browser me jo bhi task karenge use aap bahut hi aasaani se record kar payenge.

Screencastify free aur paid dono me uplabdh hai. Aap apni suvidha ke anusar ise istemaal kar sakte hai. Iss tool ki madad se aap apne browser ka screen record kar sakte hai. Aur sath me record kiye gaye video ko save aur share kar sakte hai.

9 : Turn Of The Lights

Raat ke samay me aap youtube video jarur dekhte honge. Video dekhte samay agar aapko lage ki video ke alawa screen ka baki hissa jyada roshni de raha hai to aap ise on kar dijiye.

Ise on karne se video ke alawa screen ka baki hissa dark ho jayega. Aisa karne se aap aaram se video dekh sakte hai. Aur aap chahe to video ko dekhne ke baad ise off bhi kar sakte hai.

10 : Google Input Tools

Jaisa ki aapko pata hoga ki puri duniya me kai saare languages upyog kiya jata hai. Google Input Tools ki madad se aap bahut saari languages me aap bahut hi aasani se likh sakte hai.

Iski madad se aap Hindi, English, Tamil, Telugu, Arabic, Bangla, Gujarati, Marathi, Nepali, Odia, Punjabi, Urdu aur bhi dusri kai languages me aap bahut hi aasani se likh sakte hai.

Dusri bhasha me likhne ke liye aapko alag se kuch aur karne ki jarurat nahi hoga. aapko jab bhi koi language me likhna hoga aapko bus apne chrome browser me install google input tools ke icon par click karna hoga. Aur aap jo bhi language set kar ke rakhenge aap us bhasha me bahut hi aasani se likh sakte hai.

Aasha karta hu upar me bataye gaye Useful Google Chrome Extension aapke browser ke liye upyogi saabit hoga. Agar aapko ye post achha laga ho to aap is post ko dusro ke sath share kar sakte hai. Aur agar aap free me website banana chahte hai to yahan click kare. Free me Website Kaise Banaye.

About Kishor Kumar Gupta 135 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*