Blogspot Blog Me HTTPS Enable Kaise Kare

Blog banane ke baad aur uspar koi post publish karne se pahle sabse pahla kaam hota hai ki uski sabhi setting achhe se ki jaye. Aur blog ki security mazboot ki jaye. Taki koi hacker aapke blog se koi data aur aapke blog ko hack na kar sake. Aap apne blog par HTTPS ko enable kar ke uski security badha sakte hai.

Agar aapka blog blogger.com par hai to aapko apne blog ki security ki jarur chita hoti hogi. Aaj ka ye post un blogger ke liye hai, jo apne blogger blog me https setup karna chahte hai. Aap is post ko last tak read kare. Is post me aapko iske baare me puri jankari vistaar se mil jayegi.

blogspot blog me https enable kaise kare
फोटो साभार : skylarvision – pixabay.com

Internet par kuch bhi safe nahi hai. yahan par mera maksad aapko darana nahi hai. Par jaisa ki meine bola ki internet par kuch bhi safe nahi hai. Jara si aap koi galti karenge aur aapka blog, website koi hacker hack kar sakta hai. Isliye jahan tak ho blog website ki security badha chahiye.

Aap apne blog par HTTPS ko enable kar ke apne blog ki security badha sakte hai. Aapne koi bank ki website ya koi shopping website dekhi hogi. Wo sab hamesha green pad lock ke sath HTTPS ke sath hi open hota hai.

Jis blog ya website par paise ki len den hoti hai. Kahne ka matlab jis blog website par paise ki transaction hoti hai, lagbhag sabhi sites HTTPS ( SSL ) ka istemaal karti hai.

Sirf bank sites hi nahi, balki aur bhi dusre type ki sites bhi apne site par HTTPS hi istemaal karti hai. Kyunki HTTP ke mukabale HTTPS jyada secure hota hai. Isko enable karne ke baad koi hacker aapka blog aasaani se hack nahi kar sakta. Aur na hi aapke blog se koi hacker kisi prakar ka koi data chori kar sakta hai.

HTTP Aur HTTPS Me Kya Antar Hai?

  1. Simple sabdo me bolu to HTTP ki security kamzor hoti hai. Aur isme kisi hacker dwara site se data chori ho jane ka khatra rahta hai. Jabki HTTPS ki security kaafi mazboot hoti hai. Ye ek secure protocol hota hai.
  2. HTTPS ko site par enable karne ke baad site se kisi prakar ka data chori hone ka khatra bahut had tak kam ho jata hai. Aur sath hi site ko hack karna bahut muskil ho jata hai.
  3. Sabhi sites HTTP ke sath hi open hoti hai. Aur ye site ke sath free me milta hai. Jabki own hosting website par HTTPS ko alag se buy karna hota hai.
  4. HTTP me data packets bina kisi security yaani ki bina encryption ke send hota hai. Jabki HTTPS me data packets encrypt kar ke send hota hai.

HTTPS Kya Hota Hai?

Iska matlab hua Hyper-Text Transfer Protocol Secure. Iska istemal kar ke website ko aur bhi jyada secure kiya jata hai. HTTPS protocol ke jariye bheja gaya data encrypt ho kar jata hai. Or iske jariye bheja gaya data lagbhag puri tarah se surachit ho kar jata hai. Iske jariye bheja gaya data ko hack karna aasaan nahi hota.

Blog Par HTTPS Istemaal Karne Ke Fayde

Aapne gaur kiya hoga ki ab adhikansh blog website owners apne blog website par HTTPS SSL Certificate ka istemaal kar rahe hai. Site par iska istemal karne ke mukhyata 2 kaaran hota hai. 1st apne blog website ko jyada secure karna. Aur 2nd search engines me post ko achha rank karwana.

Kai aise browser hai jisme sirf HTTP use karne wali site open karne par this site is not secure message show karta hai. Isliye jab aap apne blog par HTTPS ko enable karenge, to aapka blog visitor’s aapke blog par jyada bharosha karenge.

Aur sath hi aapka blog dobara visit karna pasand karenge. Kyunki unhe aapke blog par HTTPS dekh kar bharosa ho jayega. Aur wo bina kisi dar ke aapka blog visit kar payenge.

Aapko jankari ke liye bata du ki haal hi me kuch din pahle search engine google ne announce kiya tha ki wo ab HTTP use karne wale website ke mukabale HTTPS use karne wale blog website ko jyada mahatav denge. Yaani ki HTTPS istemaal karne wale website ka post search engine me achha rank hoga.

Blogger Blog Me HTTPS Ki Setting Kaise Kare

Agar aap apne blogger blog par custom domain istemaal nahi kar rahe to aap bina ek paisa kharch kiye ise aap apne blog par enable kar sakte hai. Iske liye aapko kisi dusre website se ssl certificate buy karne ki jarurat nahi hogi. Blogspot blog me ise bilkul free me enable kiya ja sakta hai.

1 : Sabse pahle aap apne Blogger Dashboard me jaye.

2 : Ab aap Settings >>>> Besic >>>> par click kare.

3 : HTTPS redirect ke samne diye gaye box me Yes select kare.https enable on blog

Lijiye ab aapne apna kaam successfully kar liya hai. Ab aapko kuch aur karne ki jarurat nahi hai. Aapka blog data puri tarah se surachit hai. Aur ab kisi hacker dwara aapke blog ko hack karna bahut hi muskil hoga.

Aasha karta hun aapko mera ye post blogger blog me HTTPS enable kaise kare post aapko pasand aaya hoga. Agar is post se related koi sawal ya sujhao hai, to aap niche diye gaye comment box me comment kar ke bata sakte hai. Aap blogspot blog se jude dusre post read karne ke liye yahan click kar sakte hai – Blogspot.

About Kishor Kumar Gupta 123 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*