WordPress Blog Me Cloudflare HTTPS Setup Kaise Kare

Blog Banane ke baad sabse pahla kaam hota hai ki blog ki setting acche se ki jaye. Aur blog ki security jitna ho sake usko badhaya jaye. Taki koi hacker aapke blog ko ya aapke blog se kisi prakar ka koi data chori na kar sake. Aaj ke is post me bahut hi vistaar se aur step by step bataya gaya hai ki kaise aap apne wordpress blog me cloudflare ki madad se https enable kar sakte hai.

wordpress blog me https ssl setup kaise kare
Photo Credit – Geralt – Pixabay.com

Agar aapka blog wordpress par hai. Aur aap apne blog me bilkul free me https lagana chahte hai, to aap iss post ko last tak read kare. Iss post me isi ke bare me bataya gaya hai. Mein pahle hi bata chuka hu ki blogger blog me https ki Setting kaise kiya jata hai.

Search engine google pahle hi announce kar chuka hai ki http use karne wale site ke mukable jiske site par https enable hoga, us site ki ranking http wale site se behtar hoga. Yani ki agar aapke blog par ssl certificate https security enable hai, to isse aapke blog ka google search rank increase hoga.

Blog Me Https Enable Karne Ke Liye SSL Certificate Buy Karna Hoga ?

Internet par kai website hai jo blog website ke liye custom domain sell karti hai. Sath hi custom domain ke liye ssl certificate bhi sell karti hai. Example – Godaddy, Bigrock, Cloudflare, Hostgator etc.

Agar aap paise kharch karna chahte hai, to aap upar me bataye gaye website se apne blog ke liye ssl certificate buy kar sakte hai. Aur ise apne blog par active kar ke aap apne blog website ki security badha sakte hai. Aur sath hi aap apne blog ka google search rank increase kar sakte hai. Iske liye aapko /year 3000 se 5000 tak kharch karna पड़ sakta hai.

Iss post me cloudflare flexible ssl ke free plan ke bare me bataya gaya hai. Jiski madad se aap apne blog par bilkul free me jee haan bilkul free me apne blog par https enable kar sakte hai. Iske liye aapko ek bhi paisa kharch karne ki jarurat nahi hoga.

Cloudflare apne user ko free aur paid dono plan offer karti hai. Free plan me limited browser support karta hai. Wahin paid me lagbhag sabhi browser support karta hai.

Aap cloudflare par free me account create kar ke aur ispar free plan ko select kar apne wordpress blog par https setup kar sakte hai.

Example ke liye aap mere blog ko dekh sakte hai. Meine apne blog par cloudflare ke free plan ko select kiya hai. Aur mein apne blog par cloudflare ke free service ka istemal kar raha hu.

Http Aur Https Me Kya Antar Hai

Http ka matlab hyper text transfer protocol. Site par sirf http hone par aapke site ka data utna secure nahi hota. Simple word me bolu to isme aapke blog ka data utna surakshit nahi hota. Http ke liye koi certificate ki jarurat nahi hota. Ye blog banane ke sath hi free me mil jata hai.

Https yani Hyper Text Protocol Secure. Isme last me s juda hai. S ka matlab secure socket लेयर. Ye http ke mukable jyada surakshit hai. Iske liye ssl digital pramaan patar ki jarurat hota hai.

Server se koi bhi data browser me transfer hota hai to ye puri tarah se encrypted aur secure hota hai. Server se user ke browser me kisi prakar ka koi data transfer hone par ise koi bhi hacker dekh nahi sakta. Sath hi kisi prakar ka koi data chori nahi kar sakta.

Https ka upyog lagbhag sabhi Banking Site, Corporate Log In, aur ईकॉमर्स site par hota hai. Jis site par paise ka len den hota hai, us site par ssl certificate enable hona jaruri hota hai. Isse server se user ke browser me jo data transfer hota hai wo lagbhag puri tarah se surakshit hota hai.

Blog Par Https Istemal Karne Ke Fayde

Jaisa ki mein upar me bata chuka hu ki blog par ssl certificate istemal karne se aapka blog aur aapka post google me achha rank prapt karega. Sath hi ssl certificate blog par enable hone se aapka blog aur bhi jyada secure hoga. Yaani ki aapke blog ka security mazboot hoga. Blog par ye enable hone se koi bhi hacker aapke blog se kisi prakar ka koi data dekh ya chori nahi kar sakta.

User apne smartphone, laptop, ya computer me internet chalane ke liye browser ka istemaal karte hai. Par kai browser aise hote hai jisme sirf http use karne wali blog website open karne par this website is not secure ka warning message show karta hai. User apne browser me ye warning message dekh kar ghabra jate hai. Aur last me security ko dhyan me rakhte huye uss blog website ko visit nahi karte. Unhe lagta hai ki ye site secure nahi hai. Aur last me wo uss site ko visit nahi karte. Or bhi fayde hai jo niche bataya gaya hai.

  1. Aap apne blog par https laga kar apne blog ki security aur bhi jyada mazboot kar sakte hai.
  2. Search engine google me blog aur blog par publish post google me achha rank karega.
  3. Aap blog par https enable kar ke apne visitor’s ka dil jeet sakte hai.
  4. Visitor’s ka aapke blog par bharosa badhega. Aur wo jab aapka blog visit karenge to unhe insecure feel nahi hoga.
  5. Aapka blog green pad lock ke sath open hoga. Aur adhikansh browser this website is not secure ka warning message show nahi karega.

WordPress Blog Me Cloudflare Ki Madad Se Https Kaise Lagaye

Cloudflare free https/ssl blog par setup karne ke liye aapko niche bataye gaye step ko follow karna hoga.

NOTE : Wp blog me https ki setting karne se pahle apne wordpress blog ka Full Backup le le. Aur post me jaise step by step bataya gaya hai, aap thik waise hi step by step follow kare. Agar aap koi bhi setting aage piche karenge to aise me aapka blog down bhi ho sakta hai. Isliye bataye gaye step ko dhyan se follow kare.

STEP 1

Cloudflare Par Account Banaye

Iske liye aapko sabse pahle cloudflare par account banana hoga. Aur uske baad apne blog ko free plan me add karna hoga. Or apne blog ke liye cloudflare cdn setup karna hoga. Iske liye aapko ek bhi paisa kharch karna nahi hoga. Cloudflare par account banana or apne blog ke liye CDN setup karna bilkul free hai. Aap is post ko follow kar ke sabse pahle apne blog ke liye cdn setup kar le. WordPress Blog Me Cloudflare Free CDN Setup Kaise Kare. Aur iss setting ko karne ke baad niche bataya gaya step follow kare.

STEP 2

Enable SSL Certificate

1 : Apne blog ke liye CDN setup complete karne ke baad aap Cloudflare Account me jaye.

2 : Ab aap Crypto par click kare. Aur ssl ke right side ke box me Flexible ko select kare.

crypto option

 

NOTE : Aapne ssl certificate ke liye request kiya hai, isliye aap kuch time wait kare. Jab aapka SSL certificate active ho jayega tab universal ssl status ke right side me green color ka dot aur Active Certificate likha show hoga.

STEP 3

Plugin Install Kare

Iss process me aapko 2 plugin install aur active karne hai. 1st Cloudflare Flexible SSL aur 2nd SSL Insecure Content Fixer.

1 : Cloudflare Flexible SSL is plugin ko Install kar ke Active kar le.

cloudflare flexible ssl

1 : SSL Insecure Content Fixer ko download kar ke Install kare or ise Active kar le.

ssl insecure content fixer

2 : Ab is plugin ki setting karni hai iske liye aap Settings >>>> SSL Insecure Content par click kare. Aur https detection me diye gaye  

cloudflare flexible ssl plugin setup

STEP 4

Create Page Rules

Iss process me aapko cloudflare par 2 page rules create karne hai. Page rules banate samay kuch baaton ka dhyan rakhna hai. To aayiye jante hai ye dono pages kaise banane hai.

1 : Create Page aur phir Create Page Rules par click kare.

create page

2 : Ek pop up window open hoga jisme aapko apne blog ka url enter karna hai. Blog URL ke 1st me http:// aur last me / ke baad * lagana hai. Example http://kishorkumargupta.tk/*

3 : + Add A Setting par click kare. Aur then the setting are: ke thik niche box me Always Use Https chune, aur Save And Deploy ke option par click kare.

save page

Ab aapko ek aur page banana hai. Isme page me aapko www. bhi use karna hai.

1 : Page Rule >>>> Create Page Rules par click kare.

page rule

2 : Pop up window open hoga. Box me blog ka url enter karna hai, jisme URL ke starting me http://www. aur last me / ke baad * use karna hai. Example – Http://www.kishorkumargupta.tk/*

3 : Then the setting are ke niche Add A Setting par click kare. Aur box me Always Use Https ko chune. Or last me Save And Deploy ke button par click kare.

save create page

Dono page successfully create karne ke baad aapke cloudflare account me niche diye gaye image ki tarah dikhai dega. Aap sab ki suvidha ke liye niche ek screen shot diya gaya hai, jo aap dekh sakte hai.

all pages rules

STEP 5

Change Your Site Address

Iss process me jyada kuch karne ki jarurat nahi hai. Ye process bahut hi asan hai jo aapko apne wordpress dashboard me jakar kar karna hai.

Apne WordPress Dashboard me jaye. Aur Settings >>>> General par click kare. Aur WordPress Address ( URL ) aur Site Address ( URL ) dono me Https://www. set kar le. Example –Https://www.kishorkumargupta.tk

change wordpress blog address

Upar me bataye gaye settings ko pura karne ke baad aapke blog me https setting pura ho chuka hai. Ab aap browser me private window open kare or apne blog ko open kar ke check kare. Aapka blog green pad lock yaani ki hare rang ke lock ke sath open hoga.

NOTE : Jaisa ki is setting ko pura karne ke baad aapke blog ka URL  address change ho gaya hai. Isliye aap sabhi search engines jaise Google, Yahoo, Bing etc me blog ka sitemap aur blog url https ke sath phir se submit kare. Aisa karne se search engine aapke blog aur blog pages ko https ke sath index karega. Or aapke blog ka search ranking down nahi hoga. Sath hi aur jin jin jagho par apne blog ko http ke sath submit kiya tha un sabhi jagah par apne blog ko https ke sath phir se submit kar le.

Cloudflare SSL Https Work Kar Raha Ya Nahi Kaise Check Kare

Aapke blog par cloudflare https kaam kar raha ya nahi ise check karne ke liye aap apne browser me Incognito Window ( Private Window ) use kar sakte hai. Ya aap apne browser me History, Cache, Cookies etc files ko delete kar ke check kar sakte hai. Aap chahe to ssl checker site ki madad se bhi check kar sakte hai. Niche 3 website ak link diya gaya hai jiski aap madad le sakte hai.

SSL Shopper

Why No Padlock?

SSL Store

Aasha karta hu aapko mera ye post wordpress blog me cloudflare ki madad se free me https kaise lagaya jata hai aapne sikh liya hoga. Or aapko post pasand aaya hoga. Agar aapka is post se sambandhit koi sawal ya sujhav hai, to aap comment kar ke bata sakte hai. Aap wordpress se related dusre post read karne ke liye yahan click kare. WordPress.

About Kishor Kumar Gupta 135 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

2 Comments

Leave a Reply

Your email address will not be published.


*