Jio Phone Ko Format ( Reset ) Kaise Kare

India me help par pahle hi bataya gaya hai ki jio phone ke Software Ko Update kaise kiya jata hai. Aaj ke is post me ye bataya gaya hai ki Jio Phone Ko Format/Reset Kaise Kare.

Jio Phone ek feature smartphone hai. Isme aap news paper se lekar live tv tak dekh sakte hai. Sath me text message se lekar internet browsing bhi kar sakte hai. Aap chahe to isme kai tarah ke video games aur apps ko bhi install kar sakte hai.

Phone ki memory me jyada chizen download karne jaise koi Apps, Games, Mp3, Videos, ya koi Images file had se jyada download karne par your phone memory is low ka baar baar warning message show hota hai. Log is warning message se pareshan hote hai. Aur log ek ek kar ke save files ko delete bhi nahi karna chahte.

Kai baar aisa hota hai ki mobile me koi app install karte samay ya koi setting karte samay phone thik se work nahi karta. Aur kabhi kabhi mobile baar baar hang hota hai. Or mobile ki screen ek jagah par ruk jati hai. Aur wo na next hoti hai na back.

jio phone ko format reset kaise kare

Aisi situation me mobile me diye gaye red button se bhi kabhi kabhi mobile off nahi hota. Phir mazburan user ko apne mobile se uska battery alga kar ke phir usme uska battery insert kar ke mobile ko phir se on on karna पड़ता hai.

Mobile ko on karne ke baad bhi kabhi kabhi Mobile thik se work nahi karta. Aise me aap apne phone ko reset kar sakte hai. Phone ko reset karne se kabhi kabhi mobile thik se work karne lagta hai.

Jio Phone Ko Reset Karne Se Kya Hoga

Aapne android mobile ke bare me suna hoga. Usme factory data reset ka ek option diya gaya hota hai. Factory Data Reset karte hi mobile me download aur save kiya gaya sabhi chizen delete ho jati hai ! Thik waise hi jio mobile me reset ka option hota hai.

Jio phone ko reset karte hi aapke mobile se sabhi prakar ka data jo jo bhi aapne apne phone ki memory me download aur save kiya tha jaise, Phone Contacts, Mp3 Files, Images, Videos, Apps, etc data hamesha ke liye puri tarah se delete ho jayega.

Apne apne phone me jo jo bhi settings kiya tha wo sab settings bhi pahle ki tarah ho jayegi. Yaani ki delete ho jayegi. Sath me agar aapke phone me software ko lekar koi problem aa raha hoga to wo problem bhi solve ho jayega !

Phone Ko Reset Karne Se Pahle Rakhe In Baaton Ko Dhyan

Jaisa ki upar me pahle hi bataya gaya hai ki aisa karne se aapke dwara phone memory me download aur save kiya gaya sabhi data delete ho jayega. Isliye aisa karne se pahle aap apne phone ke memory me maujood sabhi Contact Numbers, Mp3, Images, aur Videos files ko copy kar sakte hai.

Sath me agar phone ki memory me kisi aur prakar ka koi aur data hai to aap uska backup ya kisi aur device me copy kar sakte hai.

Jio Phone Ko Format/Reset Kaise Kare

Mobile ko format karna bahut hi asaan hai. Iske liye aapko kuch step ko follow karna hoga.

A : Sabse pahle phone ki Settings ko open kare.

B : Ab aap navigation button ko right click kar ke Device option par jaye.

C : Ab navigation button ki madad se sabse Niche jaye.

D : Niche aane ke baad Reset phone ka option hoga aap us par click kare.

Button ko click karte hi Caution ka message show hoga. Aur usme likha hoga ki resetting your phone will erase all your data. The phone will be restored to its factory condition. None of your setting or data will be saved.

Iska matlab hua ki reset karte hi phone se aapka data delete ho jayega. Aur phone factory condition me aa jayega. Matlab phone pahle ki tarah ho jayega. Aur aapke dwara mobile me kiya gaya ek bhi settings aur data save nahi hoga.

E : Ab aap Reset ke option par click kare.

Yahan par aapko thoda intezaar karna hai. thode time ke baad aapka mobile format/reset ho jayega. Aur agar aisa karne se aapke phone me kuch gadbad aa jaye to aap apne najdik ke jio care me le jakar phone ko dikha sakte hai.

Ummid karta hu india me help par publish ye post jio phone ko format/reset kaise kare post aapko pasand aaya hoga. Aur aapke liye helpful sabit hua hoga. Aap jio sim me free me caller tune active karne ke liye yahan click kar sakte hai – Yahan Click Kare.

About Kishor Kumar Gupta 135 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*