Reliance Jio Sim Par Free Caller Tune Kaise Active Kare

Hello doston aaj ka ye post un reliance jio users ke liye hai, Jo apne jio number par bilkul free me caller tune activate karna chahte hai. Jeen haan aapne sahi suna bilkul free me aap aisa kar sakte hai. Iske liye aapko ek bhi paise kharch nahi karna hoga. Aap bina ek paisa kharch kiye apne jio sim par free caller tune active kar sakte hai.

jio sim par free caller tune kaise active kare

Jaisa ki reliance jio ne apne service ki suruaat free me dekar kiya tha. Or free service ke chalte jio ne kaafi name bhi kamaya. Aur log ise khasha pasand bhi karne lage. Or abhi bhi ise pasand aur istemaal kar rahe hai. Aaj ke is post me jio ka ek aur service jo ki kuch dino ke liye free hai. Uspar baat karenge. Jee haan ham baat kar rahe hai jio ke free caller tune ki.

Caller Tune Kya Hota Hai ?

Aap kisi ko jab apne mobile se call karte hai, aur agar uske mobile number par caller tune set nahi hota to aapko ek ring hone ki sound sunai deti hai. Jo lagbhag landline ring ki tarah hi hota hai. Aur agar uske number par caller tune set kiya hua hota hai.

To aapko uske dwara set kiye gaye caller tune joki koi song ya koi funny voice ya koi aur voice set kiya hua hota hai aapko wo sunai deta hai. Usi ko caller tune kaha jaata hai. Jaisa ki name se hi pata chal jaata hai ki aapko jo call karega aur us caller ko jo tune sunai dega, Usi ko caller tune bola jata hai.

Reliance Jio Ke Free Caller Tune Ki Validity Kya Hai ?

yahan par main aapko batata chalu ki ye free service lifetime ke liye nahi hai. Free caller tune ki validity sirf 30 dino tak ke liye hi hai. Aap bina ek paisa kharach kiye apne jio prepaid mobile number par caller tune set kar ke apne caller ko koi bhi tune chahe wo koi regional language ka koi song, bhajan, ya koi bollywood ya koi international song ho, aap apne caller ke liye set kar sakte hai.

Reliance Jio Sim Par Free Caller Tune Kaise Set/Activate Kare

Ise activate karna bahut hi aasaan hai. Main yahan aapko jio sim me bilkul free me caller tune activate karne ke 2 tarike bata raha hun. Aapko jo tarika sabse achha lage, Aap us tarike ko apna sakte hai.

1st : Aap apne jio number se message kar ke ise active kara sakte hai. 2nd : Aap jio music app ke jariye bhi ise active kar sakte hai.

Tarika Nuber 1

Step 1 : Sabse pahle aap apne mobile ke Message Box me jayen. Aur message box me JT likhe. Yaad rahe JT capital letter me likhana hai. Aur apne jio number se use 56789 par send kar de.

message type

Step 2 : Ab aapne jo message send kiya hai uska reply aayega. Aur usme aapko dher saare option diye jayenge. Jisme aapko apne favorite bollywood song, regional song, international song, apne favorite song, favorite movie, singer, ya koi album ko chunne ka option milega. Aap apne hisab se aapko jo caller tune set karna hai, us option ko chune.

Maan lijiye aapko koi bollywood song set karna hai, to aap message box me 1 type kare aur use send kar de. Ya aapko koi apne favorite song ko set karna hai to aap us song ke first 3 word likh kar send kare.

Step 3 : Ab aapse pucha jayega ki kya aap sabhi caller ke liye is song ko jio tune set karna chahte hai ? to yahan aap 1 likh kar reply kare.

Step 4 : Ab aapko ek naya message aayega. aur usme likha hoga ki we have received your request to set your soch na sake as your jio tune. To set this as tune for all callers, please reply to this message received from 56767xxxx> with Y.

Step 5 : Ab aapke paas ek naya message aaya hoga. Aur us message me likha hoga dear customer you have requested for activation for jio tune service. To confirm please reply Y to this message for 30 minute.

Ab aap us naye message ko open kare aur capital letter me Y likh kar reply kar de. Aur ab aapka kaam ho chuka hai. Aap thodi der intezaar kar ke apne jio mobile number par ring kar ke dekh sakte hai.

Tarika Number 2

Step 1 : Sabse pahle aap apne android mobile me Jio Music App ko download kare. Agar aapke mobile me pahle se jio music app maujood hai. To is app ko download karne ki jarurat nahi hai. Aur agar ye app pahle se aapke mobile me nahi hai. To aap is link par jio music – hd music & radio par click kar ke download kar le. Aur Download karne ke baad us app ko Install kare.

Step 2 : Ab aap koi bhi ek Song jo aap caller tune me set karna chahte hai. Us song ko search kare aur phir us song ko Play kare.

Step 3 : Ab aap dhyan se dekhe aapne jo song play kiya hai. Uske running page par Set Caller Tune ka option dikhai de raha hoga. Aap uspar click kare. Aap jaise hi us link par click karenge aapka caller tune set ho jayega.

jio caller tune activate option

Jio Caller Tune Ko Deactivate Kaise Kare

Agar aap kisi kaaran was jio caller tune ko deactivate karna chahte hai to ise deactivate karna bahut hi aasaan hai. Aap mere bataye gaye step ko follow kare. Main yahan jio caller tune ko deactive karne ke 2 tarike bata raha hun aapko jo pasand aaye wo tarika apna sakte hai.

Tarika Number 1 :

1 : Sabse pahle aap is number 155223 par call kare.

2 : Ab aap apna bhasha chune. Agar aap hindi jaante hai to 1 dabaye.

3 : Ab aapse pucha jayega ki kya aap value added services ko deactivate karna chahte hai. Deactivate karne ke liye 1 dabaye. Ya hamare jio pratinidhi se baat karne ke liye 9 dabaye. Yahan aap 1 dabaye aur aapka jio caller tune deactivate ho jayega.

Tarika Number 2 :

Aap niche diye gaye number par message kar ke jio caller tune deactivate kar sakte hai.

Aap apne message box me STOP likhe aur ise aap 56789 par send kar de.

Doston aasha karta hun jio sim par free caller tune kaise active kare post aapko pasand aaya hoga. Aur agar is post se related koi sawal ya sujhao hai to niche diye gaye comment box me comment kar ke jarur bataye.

About Kishor Kumar Gupta 135 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*