Kya Buy Kiye Gaye Custom Domain Name Ko Edit ( Rename ) Kiya Ja Sakta Hai ?

Agar aap ye soch rahe hai ki custom domain name ko edit kaise kare. Domain ki name ko kaise badle. Ya aap ye soch rahe hai ki kya domain ki name ko badla ja sakta hai ya nahi ? To aap sahi post aur website par hai.

domain name ko edit kar sakte hai ?

Kisi ne mujhse facebook par pucha tha ki bhai maine ek domain kharida hai. Aur maine jo domain kharida hai, uska name me kuch edit karna chahta hun. Kahne ka matlab usko rename karna chahta hun. Kya mein name badal ya name me kuch edit kar sakta hun ? To maine socha ki kyun na ispar ek post likhu. jo log jaldbazi me koi bhi name soch kar domain ko kharid lete hai. Aur phir unhe ahsaas hota hai ki maine domain name choose karne me galti kar di.

Aaj ka ye post unhi logo ke liye hai, jo domain kharidte waqt aisi galti karte hai. Aaj ke is post me main aapko ye bataunga ki kharide gaye domain ke name ko rename yaani ki badla ja sakta hai ya nahi.

Custom Domain Kya Hota Hai ?

Jaisa ki google blog ka name ke baad blogspot.com hota hai. Jaisa ki meine jab google par blog banaya tha to mera blog ka name indiamehelpdemo.blogspot.in/ tha. Par maine godaddy se custom domain indiamehelp.com kharida. Aur mera website ka address indiamehelp.com ho gaya.

godaddy ki tarah aur bhi bahut si website hai, jo custom domain provide karti hai. Blog owner paise de kar .com .in aur bhi bahut se domain kharidte hai. Isi ko custom domain kaha jata hai.

Custom Domain Sell Karne Wali Website

Waise to bahut se website hai, jo paise lekar custom domain provide karti hai. Par mein yahan aapko suvidha ke liye kuch website ka name bata deta hun. Aap in website par jakar custom domain kharid sakte hai.

namecheap.
bluehost.
hostgator.
godaddy.
hover.
gandi.
dreamhost.
name.com.

Kya Custom Domain Free Me Bhi Milta Hai ?

Jee haan bahut se aise domain hai, jo free me bhi milta hai. Aap chahe to niche diye gaye website par jakar free me domain register kar sakte hai.

dot.tk
freenom

Buy Karne Ke Baad Custom Domain Name Ko Edit Kiya Ja Sakta Hai ?

Doston jab maine apna blog banaya. Aur blog banane ke baad godaddy se custom domain kharida. kharidne ke baad mujhe bhi ahsaas hua ki maine custom domain name choose karne me galti kar di. Phir maine godaddy ko call lagaya to godaddy walo ne saaf saaf bola ki sorry sir aap apne dwara kharide gaye domain name me kuch bhi edit aur domain ki name ko nahi badal sakte.

( Mein yahan apna ek aur website ki baat kar raha hun ) Aur uske baad mujhe kaafi nirasha hui. To doston ab aapko pata chal gaya hoga ki aapke dwara kharide gaye custom domain ki name me kuch bhi edit nahi kar sakte. Aur na hi us name ko puri tarah se badal sakte hai. aapne jis name se domain kharida hai, wo wahi name rahega.

Par haan aapko mein batata chalun ki aap us custom domain ke name me kuch edit to nahi kar sakte, par aap naya custom domain jarur kharid sakte hai. Basarte jis name ko aapne chuna hai, wo domain available hona chahiye.

To dosto maine wo saari information dene ki kosish ki ki custom domain kya hai, ise kaha se kharid sakte hai. Aur kya kharide gaye domain name ko edit kiya ja sakta hai ? Aur agar phir bhi isse related koi bhi question hai, to niche diye gaye comments box me comment kar ke puch sakte hai.

About Kishor Kumar Gupta 123 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

1 Comment

Leave a Reply

Your email address will not be published.


*