WordPress Blog Me Live Chat Widget Kaise Add Kare

WordPress blog me live chat widget kaise add kare. Aaj ka ye post un wordpress blogger ke liye hai, jo apne blog me live chat widget ko add karna chahte hai. Ise add karna bahut hi asaan hai. Aap is post ko last tak read kare. Is post me meine iske bare me bahut hi vistaar se aur step by step bataya hai.

Aapne godaddy aur dusre aur kai website par dekha hoga ki wo apne customer ko help karne, aur apne customer ko product buy karne me sahayata karne ke liye apne website par live chat ki suvidha dete hai. Jisse unke customer ko agar koi product kharidne me koi pareshani aati hai, to unke customer live chat ke jariye unke agent se chat karte hai. Aur unke agent customer ko aa rahe problem ka solution batate hai. Aur uske customer bahut hi aasani se unke website se product buy karte hai.

wordpress blog me live chat widget kaise add kare

Ye ek bahut hi achha feature hai. Lagbhag sabhi domain or hosting sell karne wali website apne website par live chat widget add kiye huye hai. Aur sirf domain or hosting sell karne wali website hi nahi balki aise kai blog or website hai jo apne site par live chat widget ki suvidha de rahe hai. Ise add karne se site visitors ko agar koi problem ya unka koi sawal hota hai to iski madad se wo aasaani se contact kar ke puch sakte hai.

Blog Me Live Chat Widget Add Karne Ki Jarurat Aur Fayde

Visitors blog ke owner or admin se contact karne ke liye blog par maujood contact us form, blog par diye gaye phone number, email address, ya unke social media pages par message kar ke sampark karte hai. Par aap apne blog par live chat widget ko add kar ke apne visitor’s ke sath achhe se communicate kar sakte hai. Kahne ka matlab unke sath live text chat kar sakte hai. Aur unke sath jud sakte hai.

Ise add karne ke baad aapka blog bilkul professional lagega. Aur aapke visitors ise dekh kar khasha impress honge. Sath hi aapka blog baar baar visit karna pasand karenge. Aur unka koi bhi sawal ya sujhao hoga wo iski madad se aapse contact kar sakte hai.

Agar aap jyadatar time apne blog par work karte hai. Aur adhikansh samay online rahte hai, to aap live chat widget ko apne blog/website me add kar sakte hai. Aur iski madad se bina deri kiye apne visitors ke sawal ka jawab aur unke problem ka solution bata sakte hai.

Maan lijiye kisi visitor ko urjent help ki jarurat ho, to wo aapke blog/website par diye gaye live chat ke button par click kare ke aapse live chat kar sakte hai. Aur aap unke query ko solve kar sakte hai. Live chat aapke blog ko professional aur helpful blog banata hai. Mujhe aasha hai ki aap achhe se samajh gaye honge ki ise blog par add karne ki kyun jarurat hoti hai, or ise add karne ke kya fayde hai.

Live Chat Me Kya Kya Features Milega.

Ab aapke mann me ye sawal uth raha hoga ki ise add karne se aapke blog me kuch problem to nahi aayega. Or tawk.to live chat ke messages surachit honge ? Or ye kab tak free hai. Aur iske kya kya features hai. Mera hamesha yahi kosish rahta hai ki aap logo ko achhe se help karu. Aur ho sake to sabhi pahlu ko aapke samne rakhu. Aaj ke is post maine in sab ke bare me vistaar se bataya hai Jo aap last tak read kar sakte hai.

Jahan tak problem ki baat hai to aisa kuch bhi nahi hai. Tawk.to ke jariye kiya gaya chat bilkul surachit hota hai. Jise end-to-end encryption ki suraksha milti hai. Jaise facebook whatsapp par aapke messages bilkul surachit hote hai, Thik waise hi isme bhi end-to-end encryption ki suraksha milta hai.

Maine kai sites dekhe hai jo tawk.to ki service ka labh utha rahe hai. Aapko batata chalu ki tawk.to ki service life time ke liye free hai. Aur iske liye aapko ek bhi paise pay nahi karna hoga. Aap bina ek bhi paise kharch kiye iski service ka labh utha sakte hai. Maine niche me bataya hai ki ise add karne se kya kya suvidha milta hai.

Tawk.to Live Chat Widget Ke Features

  1. Blog visitor iski madad se aapse text chat kar sakte hai.
  2. Aap apne blog visitor’s par real time najar rakh sakte hai.
  3. Sawalon ka jawab aap apne computer or smartphone ki madad se kar sakte hai.
  4. Aap apne site ke hisab se live chat widget ko customize kar sakte hai.
  5. Visitors ko block ya unblock kar sakte hai.
  6. Iske jariye file transfer jaise photo, video audio send kiya ja sakta hai.
  7. Aap apne visitor ke live location dekh sakte hai.
  8. tawk.to total 27 language ko support karta hai.
  9. 1880+ emozi diya gaya hai.
  10. Aap unlimited agent add kar sakte hai.
  11. Automatic translate ki suvidha di gayi hai.
  12. Messages secure encryption ke tahat
    surachit hote hai.
  13. Aur bhi aise bahut se features isme aspko milte hai. jo bilkul 100% free hai.

WordPress Blog Me Live Chat Widget Kaise Add Kare.

Internet par kai aisi website aur plugins hai jo blog me live chat widget add karne ki suvidha dete hai. Par inme se jyadatar website ki services aur plugins paid hote hai. Aap chinta na kare. Aaj ke is post me maine 100% free wala bataya hai. Aap bina ek bhi rupaye kharch kiye apne blog par live chat widget add kar sakte hai. to chaliye start karte hai.

Step 1 :

1 : Sabse pahle aap tawk to ki site par jaye, Aur signup ki button par click kar ke signup kar le.tawk.to sign up form

Step 2 :

Ab aapko aage ki step me apne site ka details bharna hai.

1 : Site name me apne blog ka name enter kare. Example : India Me Help.

2 : Site address me apne blog ka Url Enter kare. Example : https://www.indiamehelp.com/

3 : Next ke option par click kare.

Step 3 :

Is step me apna aur apne team members ka details bharna hai.

1 : Enter email : me apna email address enter kare.
2 : Roll : admin ke box me admin select kare.

Agar aap isme agent add karna chahate hai to aap agent chun sakte hai. Agar aapke pass koi team hai to aap ek se jyada admin or agent add kar sakte hai.

3 : Ab aap next ki button par click kare.

Step 4 :

Ab aapke samne agar koi code aata hai to use skip kar de aur aap sidha tawk.to ke dashboard me jaye. Aur jaisa ki aapko apne blog par live chat widget add karna hai isliye aap mere bataye gaye step ko follow kare.

1 : Tawk.to dashboard me sabse niche diye gaye option Admin par click kare.

2 : Upar right me diye widget code copy kare.live chat widget code

Step 5 :

Tawk.to se copy kiya gaya code ko blog me paste karna hai.

1 :  WordPress Dashbpoard me jaye.

2 : Appearance >>>> Widgets >>>> Custom Html >>>> Add Widget par click kare.

3 : Box me code ko paste kare. Aur last me saved ke option par click kare.

Lijiye ab aapne apna kaam successfully kar liya hai. Ab aapko kuch aur karne ki jarurat nahi hai. Aap chahe to live chat widget ko customise bhi kar sakte hai. Customise karne ke liye Tawk.to Dashboard me jaye aur Admin >>>> Widget Settings >>>> Widget Appearance >>>> Widget Content par click kar ke customise kar sakte hai.

NOTE : Agar aapke blog par add live chat ke jariye koi visitor aapse baat karna chahe to aap tawk.to dashboard or tawk.to mobile app me log in kar ke reply kar sakte hai.

Aasha karta hun aapko mera ye post wordpress blog me live chat widget kaise add kare post aapko pasand aaya hoga. Agar is post se related koi sawal ya sujhao hai, to aap niche diye gaye comment box me comment kar ke bata sakte hai. Mujhse jahan tak hoga aapko help karne ki kosis karunga. WordPress se jude dusre post read karne ke liye aap yahan click kar sakte hai – wordpress.

About Kishor Kumar Gupta 124 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*