Mobile Se Blogging Karne Wale Blogger Ke Liye Top 22 Android App

Mobile se blogging karne wale blogger ke liye top 22 app. Technology ke is duniya me sirf laptop computer se hi nahi aaj aap apne smartphone se bhi khud ka koi blog ya website bas kuch hi minutes me bana sakte hai. Aaj ka ye post un logo ke liye hai jo apne blog website ka kuch kaam apne smartphone se karna chahte hai.

Aur aise android app ki talash me hai jiski madad se wo blogging ka kaam kar sake. Aaj ke is post me mein 22 aise android app ke bare me bataunga jiski madad se aap apne blogging ka kuch kaam bahut hi aasaani se kar sakte hai.mobile se blogging karne wale blogger ke liye android app

Jaise ki apne blog ke liye post likhna. Adsense earning dekhna, blog ke liye photo edit karna, blog ki traffic dekhna etc. Niche bahut se app ke bare me vistar se bataya gaya hai. Aap is post ko last tak dekhe. Aur jane ki blogger ke liye top 22 android app kaun kaun se hai.

Aapko batata chalu ki chote se screen wale smartphone se blog website ke sabhi kaam karna bahut hi kathin hai. Par kuch aise app hai jiski madad se aap apne blogging ka kaam kar sakte hai.

Aaj se kuch saal pahle blog ya website banane ke liye aapko blogging ki achhi jaankari honi jaruri hoti thi. Aur sath hi aapko laptop ya computer ki jarurat hoti thi. Par technology ki is duniya me aaj aap apne small screen wale smartphone se bhi khud ka koi blog ya website bahut hi aasaani se bana sakte hai.

Maine kai aise blogger dekhe hai jo suruaat me apne smartphone se hi blogging ka kaam karte hai. Aur wo log bahut kam hi kahne ka matlab jarurat padne par hi computer ka istemal karte hai.

Kuch ke paas paise na hone ke kaaran computer nahi hota. To aur kai aise kaaran hai jiski wajah se wo apne blogging ka kaam computer par nahi kar paate. Aise me agar google ke play store se kuch free android app download kar ke blogging ka kaam kiya jaye, to unke liye sone pe suhaaga hoga.

Kai aise pages hote hai jo mobile friendly nahi hote. Par kai aise software aur tools aaj maujood hai jo aapke blogging experience ko asaan bana deta hai. Aaj ke is post me main mobile se blogging karne walon ke liye top 22 app ka naam bataunga.

Jiski madad se aap apne blog/website ko manage kar sakte hai. To is post ko aur jyada lamba na karte huye aayiye dekhe ki kaun kaun hai wo app jo aapke blogging ke kaam me kaam aa sakta hai.

Mobile Se Blogging Karne Wale Blogger Ke Liye Top 22 Android Apps

  1. Blogger.
  2. WordPress.
  3. Google Analytics.
  4. Microsoft Onedrive.
  5. Google Drive.
  6. Microsoft Word.
  7. Google Adsense.
  8. Picsart.
  9. Facebook Pages Manager.
  10. Youtube Studio.
  11. Twitter.
  12. Google+.
  13. Chrome Browser.
  14. Writer Plus ( Write On The Go ).
  15. Keyword Research App Tool.
  16. Pixabay.
  17. Image Converter.
  18. Google Indic Keyboard.
  19. Linkedin.
  20. Paypal.
  21. Youtube.
  22. Facebook.

Jaisa ki maine upar me 22 aise app ke baare me bataya jo har ek blogger ko kaam aa sakta hai. Niche bahut hi vistaar se bataya gaya hai ki kaun sa app kis kaam me aata hai. Aur aap us app ki madad se kya kar sakte hai.

Agar main apni baat karu to main jyadatar blogging ka kaam apne smartphone se hi karta hun. Jaise ki post likhna, blog ki settings karna, image compress karna, earning dekhna, keyword research karna etc. To aayiye in sab ke baare me vistar se jante hai ki kaun sa app kis kaam aata hai.

1 blogger :

Ye app blogger ka official app hai. Agar aapka blog blogger.com par hai To aap is app ki madad se apne post me location, label, photo, post edit etc ka kaam aasani se kar sakte hai. Aur sath me apne draft me pade post ko edit kar ke direct publish bhi kar sakte hai.

2 wordpress :

Agar aapka blog wordPress par hai, to aap iski madad se aap apne blog comments ko manage kar sakte hai. Sath hi aap iski madad se new post likh aur publish kiye gaye post ko edit kar sakte hai.

3 google analytics :

Site owner aur blogger ke liye apne site ka traffic dekha aur usme kya sudhaar kiya ja sakta hai ye bahut hi mayne rakhta hai. Google analytics ek official app hai. aap iski madad se bahut hi aasani se apne site ka traffic dekh sakte hai. Iski madad se aap traffic, page view, sessions, unique users, real time visitors etc bahut hi aasaani se dekh sakte hai.

4 microsoft onedrive :

Microsoft onedrive google drive ki hi tarah hai. Par isme aapko extra password lock ki bhi suvidha milti hai. Isme aap documents, attachments, images, videos aur dusri document ko apne microsoft account me save kar ke rakh sakte hai. Aur apne documents ko kahin se chahe wo smartphone ho ya computer aap aasani se access kar sakte hai.

google drive :

Aap jab bhi koi post publish karte hai to lagbhag sabhi post ke andar image aur video ka istemaal jarur karte honge. Is app ki madad se aap apne site ka backup, post images, videos, document, aur other many documents ko google drive me save kar ke rakh sakte hai.

Isme aapko computer aur smartphone ko reset karne par aapka documents delete hone ka khatra nahi hota. Kyunki aapka data, documents etc online aapke google drive me save hota hai.

6 microsoft word :

Ye app aapko apne blog ke liye post likhne me madad karega. Iski madad se aap text ko bold, italic, underline kar sakte hai. Sath hi aap text ko colorful aur font size ko bhi bada aur chota kar sakte ho. Yahan par aapko batata chalu ki iski madad se aap .doc aur phir .pdf format me bhi save kar sakte ho.

7 google adsense :

ye adsense ka official app hai. iski madad se aap apne adsense ki earning ko dekh sakte hai.itna hi nahi is app ki madad se aap estimated earning, impressions, page views, page ctr, ad units, channels, sites, countries data ko aasani se dekh sakte hai. Yahan par aapko batata chalu ki isme youtube revenue available nahi hai.

8 picsart :

Jaisa ki lagbhag post me text ke sath sath photo ki bhi jarurat hoti hai. Picsart app ki madad se aap apne smartphone me hi post ke liye photo edit kar sakte hai.

9 facebook pages manager :

Agar aapka koi blog ya website hai to jaahir hai ki aapka koi facebook page jarur hoga. Agar haan to ye app aapke kaam ka ho sakta hai. Is app ki madad se aap apne facebook pages ko manage kar sakte hai.

Isme aap post link share, facebook pages comments check kar sakte ho. Sath hi isme aap post ko schedule aur page ki performance bhi dekh sakte ho.

10 youtube studio :

Kai blogger apne post me youtube video ko apne post me add karte hai. Agar aap bhi unme se ek hai. To iski madad se aap apne youtube channel ko manage aur sath hi youtube channel me comments, playlists, analytics ko bahut hi aasani se dekh sakte ho.

11 twitter :

Jaise facebook puri duniya me popular hai. Thik usi tarah twitter bhi puri duniya me popular hai. Agar aapka twitter par account hai to aap is app ko download kar ke sign up kar le. Aur apne blog post ka link apne twitter account par share kar sakte hai.

12 google+ :

Blogger ke liye google+ page bahut hi jaruri hai. Ispar aap apne post ka link share kar ke social backlink prapt kar sakte hai.Ye app lagbhag sabhi android mobile me pahle se install hota hai. Agar aapke mobile me ye app pahle se install hai to aap google plus page banakar apne post ka link ispar share kar sakte hai.

13 chrome browser :

Ye browser top browser me se ek hai. Iski madad se aap blogger.com par banaya gaya blog aur wordpress par banaya gaya blog me log in kar ke apne blog ko manage kar sakte hai.

14 writer plus ( write on the go ) :

Jin logo ko computer keyboard aur laptop me post ko type kar ke likhne me thodi pareshani aati hai. aur jo log post likhne ke liye apne smartphone ka istemaal karte hai unke liye ye app kisi vardaan se kam nahi hai.

Main apni baat karu to main post likhne ke liye writer plus write on the go app ka istemaal karta hun. Is post ko bhi main isi app me likh raha hun. Isme aapko text likhne ke sath sath text ko bold italic underline etc karne ki suvidha milti hai.

15 keyword research app tool :

Post me keyword ka important roll hota hai. Aap keyword research karne ke liye is app ka sahara le sakte hai.

16 pixabay :

Aap jab bhi koi post publish karte hai to lagbhag sabhi post me image ki jarurat hoti hai. Aap pixabay app ki madad se bina copyright wale image ko download kar ke apne post me istemal kar sakte hai. ( Note ) Pixabay ke sabhi images free commercial use ke liye nahi hota.

17 image converter :

Isse aap image re-sizing, multiple file processing, save as multiple formats, image cropping aur image rotation bahut hi aasaani se kar sakte hai. Iski madad se aap kisi bhi image ko compress kar ke uska size chota kar sakte hai.

18 google indic keyboard :

Ye jaruri nahi ki sabhi blogger english ya hindi me hi post ko publish karte ho. Bahut aise bhi blogger hai jo chetriya bhasha me post publish karte hai. Ye ek keyboard app hai jo aapko apne mobile me kai language me text type karne ki suvidha deti hai. Iski madad se aap lagbhag 12 language me text type kar sakte hai.

19 linkedin :

Linkedin par aapko ek se ek professional log mil jayenge. Aur agar aap ispar account banate hai to aapko professional logo ke sath judne ka mauka milega. Jo har ek blogger ke liye jaruri hota hai.

20 paypal :

Lagbhag sabhi professional blogger PayPal par account bana kar iska istemal karte hai. Jo har ek blogger ko kaam aata hai. Kyunki bahut sari website chahe wo domain ya hosting bechne wali website ho ya koi theme bechne wali website lagbhag sabhi payment option me paypal se payment karne ka option deti hai.

21 youtube :

Ye app blogger ke liye bahut hi jaruri hai. Kyunki 60% blogger apne site se jude tutorial ya aisi koi video jo blogger se sambandhit ho youtube video ka sahara lete hai. Aise me sabhi blogger ke smartphone me ye app install hona jaruri ho jaata hai.

22 facebook :

Ye app bhi blogger ke liye bahut hi jaruri hai. Facebook ki madad se bahut se blogger ke sath judne aur blogger se related facebook group aur pages se judne ka mauka milta hai. Iski madad se aap apne facebook I’d par apne blog post ka link share kar sakte hai.

Iske alawa aur bahut saare android application play store par uplabdh hai jo aapke blogging experience ko aur aasan bana dete hai. Aap apni jarurat ke hisab se dusre app ka sahara bhi le sakte hai.

To doston maine upar me bahut hi vistaar se bahut saare android application ke baare me bataya. Jo har ek blogger ke kaam aata hai. Aasha karta hu aapko mera ye post aapko pasand aaya hoga.

Blogging me kaam aane wala top 22 android app ( application ) ke baare me maine vistaar se bataya. Agar aapko is post se related koi sawal ya sujhao hai to niche diye gaye comment box me comment kar ke jarur bataye.

Aur agar aapko mera ye post mobile se blogging karne wale blogger ke liye best 22 android app ( applications ) post achha laga ho to aap is post ko facebook, twitter, google plus aur whatsapp par share jarur kare.

About Kishor Kumar Gupta 123 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

1 Comment

Leave a Reply

Your email address will not be published.


*