WordPress Blog Me Permalink Setting Kaise Kare

WordPress blog me Permalink setting kaise kare. Agar aap ek blog owner hai to aapne permalink name jarur suna hoga. Agar aap nahi jaante to yahan par batata chalu ki post ka jo link yaani ki url hota hai, usi ko permalink kaha jata hai. Aaj ke is post me mein iske bare me pura vistaar se bataunga isliye aap is post ko last tak dekhe. Aur jaane ki iski setting kaise kiya jata hai.

wordpress blog me permalink setting kaise kare

Meine kai aise blogger dekhe hai, jo blog banane ke baad blog ki settings achhe se nahi karte. Aur blog banane ke turant baad sidha post publish karne lagte hai. Jahan tak mera manna hai, aisa karna bilkul bhi thik nahi hai. Blog/website banane ke baad sabse pahle blog ki har ek choti se choti settings ko achhe se karna chahiye. Blog ka design, look achhe se karna chahiye. Aur har ek choti se choti galti ko dur karna chahiye. Phir uske baad post publish karna chahiye.

Jaisa ki jab bhi koi blogger blog banata hai, to sabse pahle blog ki basic settings karta hai. Par bahut se naye blogger ko Permalink ki achhe se jankari nahi hota. aur wo confuse rahte hai ki kaun sa Permalink unke blog ke liye best hoga. Aaj ke is post me mein yahi batane wala hun ki kaun sa Permalink seo ke najar se thik hota hai. Aur kaun sa Permalink user friendly hota hai.

WordPress Me Total Kitne Prakar Ki Permalink Structures Setting Karne Ki Suvidha Di Gayi Hai ?

Jaisa ki dusre platform jaise blogspot ya godaddy par banaya gaya blog ka Permalink setting karne ka jyada option nahi diya gaya hota. Par wordpress me Permalinks structure set karne ke lagbhag 6 se 7 option diya gaya hai. Aap sab ki suvidha ke liye Permalink ki setting karne ke baad kaisa dikhega niche vistaar se bataya gaya hai.

1 : Plan

https://www.indiamehelp.com/?p=123

2 : Day and name

https://www.indiamehelp.com/2017/09/05/sample-post/

3 : Month and name

https://www.indiamehelp.com/2017/09/sample-post/

4 : Numeric

https://www.indiamehelp.com/archives/123

5 : Post name

https://www.indiamehelp.com/sample-post/

6 : Custom structure

https://www.indiamehelp.com/%postname%/

Blog owner apne suvidha ke hisab se inme se diye gaye apne Permalink structures ki setting kar sakte hai.

WordPress Blog Me Permalink Setting Karna Kyun Jaruri Hai ?

Permalink post seo ke liye bahut hi jaruri hota hai. Isliye iski setting achhe se karna jaruri hota hai. Search engine jaise google, bing aur dusre jitne bhi search engine hai wo sabse pahle post ka title phir uske baad post ka permalink ko scan karta hai. Aur agar aap ise achhe se set nahi karenge to aapka post na hi seo ke hisab se achha hoga, aur na hi user friendly dikhega.

Jaisa ki maine upar me pahle hi bata chuka hun ki wordpress blog/website me lagbhag 6 se 7 tarah ki permalink set karne ka option diya gaya hai. Aur aise me jo new blogger hai, wo itne saare option dekh kar confused ho jaate hai ki unke blog/website ke liye kaun sa permalink thik hoga. Aap chinta na kare. Aapko is post me iski hi jankaari milegi isliye aap is post ko last tak read kare.

Yahan par aapko batata chalu ki wordpress me default permalink structure na hi seo friendly aur na hi user friendly hota hai. Aise me iska proper setting karna behad hi jaruri ho jaata hai. Kyunki post ko better rank dilane ke liye permalink aham role ada karta hai.

Agar aap permalink setting achhe se karenge to aapka on page seo bhi achha hoga. Kyunki isme aap apne post ka main keyword add kar ke post ko seo friendly bana sakte hai. Aur aisa kar ke search engine se better rank paa sakte hai. Mujhe aasha hai ki ab aap puri tarah se samajh gaye honge ki iski setting karni kyun jaruri hai.

WordPress Blog Me Permalink Setting Kaise Kare Ki Jankari

Agar aapne wordpress par new blog banaya hai. Aur aap permalink setting karna chahte hai. To aap mere bataye gaye step ko achhe se follow kare. Iski setting karna bahut hi aasaan hai.

note : Aage ki step follow karne se pahle yahan par aapko batata chalu ki agar aap new blog bana kar bina koi post publish kiye is setting ko kar rahe hai to aapko koi pareshani nahi hogi. Aur agar aap apne blog par koi post publish kar ke is setting ko kar rahe hai to aapke visitor’s ko 404 error ka saamna karna पड़ sakta hai ! Isse bachne ke liye aap redirection plugin ka sahara le sakte hai.

To ab mein maan ke chalu ki aap permalink setting karna chahte hai. To chaliye start karte hai.

1 : Sabse pahle aap apne wordpress dashboard me jaye.

2 : Ab aap settings aur phir permalinks par click kare.

3 : Ab aap permalink ki settings me pahuch jayenge. Aap common settings ke option me diye gaye post name ko select kare. Aur niche diye gaye save changes ke option par click kare.

wordpress permalinks settings

Congratulation ab aapne iski setting successfully kar liya hai. Ab aapko yahan par kuch aur karne ki jarurat nahi hai. Agar aap janna chahte hai ki blog website ke liye comment policy page kaise banate hai to ye post read kare.

Blog Me Permalink Setting Karne Ke Baad Kya Kare ?

Yahan par aapko batata chalu ki ab aap jab bhi koi post likhe tab aap apne permalink ko jarur edit kare. Aur isme se stop word ko remove karna na bhule. Aur aapke post ka jo main keyword hai us main keyword ko apne pemalink me jarur add kare.

Doston mein hamesha yahi kosish karta hun ki aap logo ko achhe se help karu. Aaj ke is post me maine yahi kosis kiya hai. Aur agar aapko mera ye post pasand aaya ho to aap is post ko dusre blogger ke sath jarur share kare.

Aasha karta hu mera ye post wordpress blog me permalink setting karne ka tarika kya hai aapko pasand aaya hoga. Aur agar aap wordpress blog se judi aur dusre post read karna chahte hai, to aap yahan click kare.

About Kishor Kumar Gupta 114 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

1 Comment

Leave a Reply

Your email address will not be published.


*