Privacy Policy Page Kaise Banaye Blog Ke Liye

Blog ke liye privacy policy page kaise banaye. Aapne kabhi kisi famous blog ya website par notice kiya hoga ki unke site par kai pages hote hai. Example – about us, contact us, privacy policy, sitemap etc.

Agar aap apne blog/website par advertisement use karte hai, ya future me advertisement lagane wale hai, To sabse pahle aapko in sab pages ko apne site par add karna hoga. Aaj ke is post me meine bahut hi vistaar se aur step by step bataya hai ki blog or website ke liye privacy policy page kaise banaya jata hai.

Jaisa ki mere site par filhaal lagbhag 7 pages hai. Pages sirf site ki sobha badhane ke liye nahi hota. Balki har page kisi na kisi kaaran was banaya jata hai.

Blog ke liye post jitna jaruri hota hai. Thik waise hi agar aap apne blog par adsense ke ads ya koi or dusri company ke ads lagana chahte hai to sabse pahle aapko in pages ko add karna hota hai.

Pages sirf advertisement lagane ke liye nahi banaya jata. Balki har site owner’s ka ye responsibility hota hai ki wo apne visitor’s ko ye bataye ki wo apne visitor’s ke information ko kya karte hai, or wo visitor’s ke information kisi third party ko sell to nahi karte. Privacy policy page me ye sab information diya jata hai.

• Blog Aur Website Ke Liye About Us Page Kaise Banaye.
• Comment Policy Page Kaise Banaye.

Blog Website Par Privacy Policy Page Add Karne Ki Jarurat

Privacy policy page is liye banaya jata hai ki site visitors aur advertisement company ko ye jankari di jaye ki site apne visitors ki kin jankari ko track karti hai, aur kaun se information save karti hai.

Save kiye gaye jankari ko site dwara kya kiya jata hai. Aur site par kaun kaun se company ka advertisement lagaya gaya hai etc. Privacy policy me inhi sab baaton ko likha jata hai.

Example maan lijiye agar aapne koi blog ya website visit kiya. To aapke mann me ye sawal uth sakta hai ki maine jo blog ya website visit kiya kahin wo mere device se mera personal information to track nahi kar rahi. Ya mera personal information jaise mera location, phone number, email address, password etc to save nahi kar rahi.

In sab sawalon ka jawab visitors ko privacy policy page me vistar se mil jata hai. Example ke liye aap mera page dekh sakte hai. Isiliye ye page site par add kiya jata hai ki visitors ke in sawalon ka jawab mil sake. Mujhe lagta hai ab aapko idea ho gaya hoga ki is page me kya kya likhna hota hai.

• Blog Website Mobile Friendly Hai Ya Nahi Kaise Check Kare.
• Blogger Blog Se Locked/Fixed Gadget Ko Delete Kaise Kare.

Privacy Policy Banane Ka Tarika

Aapne gaur kiya hoga ki ye page jyadatar english language me hi bana hota hai. Par aap sab ki jankari ke liye batata chalu ki aapka site jis language ( bhasha ) me hai. Aap us bhasha me bhi ye page bana sakte hai.

Ye jaruri nahi ki ise sirf english me hi banaya ja sakta hai. Aap apne site language me ye page bana sakte hai. Is page ko aap 2 tarah se bana sakte hai. 1st khud ke dwara likh kar. Aur 2nd kisi website ki madad se.

Agar aapko privacy policy ke baare me achhe se jankari hai to aap ise khud likh sakte hai. Aur agar aap khud nahi likhna chahte to meine niche me website ka link diya hai aap us website par visit kar ke apne blog/website ke liye privacy policy bana sakte hai.

Mein pahle hi bata chuka hun ki blogger blog par Page kaise banaya jata hai. Aap link par click kar ke sikh sakte hai. Is post ko aur jyada lamba na karte huye aayiye jante hai hai.

Dusre Website Ki Madad Se Privacy Policy Banaye.

Sabse pahle aap is privacy policy online par jaye.

Ab aapke samne privacy policy generate karne ka ek form aa jayega. Isme aapko kuch jankari enter karni hai. Meine niche step by step bataya hai ki kaun si information kahan enter karni hai.

1 : Your Site Title : Isme aap apna blog/website Name likhe. Example – India Me Help

2 : Your Site Url : Apne blog ka Url inter kare – https://www.indiamehelp.com

3 : Contact Link : Apna Email Address enter kare.

4 : Email Address : Isme bhi apna Email Address enter kare.

5 : Email Encryption : No select kare.

6 : Cookies : Yes. My Site Uses Cookies Chune.

7 : Advertisers On Your Sites : Aap kis company ka advertise use karte hai ya future me use karenge wo Select kare.

8 : Generate Policy ke option par Click kare.

9 : Ab aapke samne ek naya page open ho jayega. Jisme privacy policy likha hoga. Aap un sabhi text ko Copy kar lijiye. Aur apne blog ya website me jaye aur new page create kare. Aur page ko publish kar de. Niche maine blogspot blog ke liye bataya hai, jo aap follow kar sakte hai.

Blogger Blog Par Privacy Policy page Kaise Banaye

Is page ko banana bahut hi aasaan hai. Maine niche step by step bataya hai. Aap use follow kare.

STEP 1 :

1 : Sabse pahle aap apne Blogger Dashboard me jaye.

2 : Pages aur phir New Page ke option par click kare.

STEP 2 :

1 : Title me Privacy Policy likhe.

2 : Copy kiye gaye privacy policy ko body me Paste kare.

3 : Options >>>> Don’t Allow >>>> Done par click kare.

4 : Publish ke option par click kare.

Page create karne ke baad apne is page ko home page ya menu bar me jarur add kar le. Taaki sabhi visitor’s ko ye page asani se dikh sake.

• Blogger Blog Ke Sabhi Post Me Adsense Ke Ads Kaise Lagaye.
• Mobile Se Blogging Karne Wale Blogger Ke Liye Top 22 Android Apps.

Agar aapko mera ye post pasand aaya ho to aap niche diye gaye share button par click kar ke is post ko share kar sakte hai. Aur aap blogging se jude dusre post read karne ke liye yahan click kar sakte hai – blogging.

Aasha karta hu aapko mera ye post privacy policy page kaise banaye aapko pasand aaya hoga. Or agar is post se related koi sawal ya sujhao hai to aap niche diye gaye comment box me comment kar ke bata sakte hai.