SEO Friendly Post Kaise Likhe ( Post Rank Kaise Karaye )

Seo friendly blog post kaise likhe. Kai bloggers apne blog par khub mehnat karte hai. Aur dher saare post apne blog par publish bhi karte hai. Phir bhi unke blog par visitor’s nahi aate.

Aaj ke is post me bahut hi saral aur vistaar se bataya gaya hai ki kaise aap apne blog par high quality SEO Friendly post likh sakte hai. Aur Google, Yahoo or Bing jaise search engines se achhe traffic paa sakte hai.

seo friendly post
फोटो साभार : kalhh – pixabay.com

Blogger apne blog par post likhte hai, aur us post ko apne blog par publish bhi karte hai. Par jab koi visitor search engines me koi keyword likh kar koi post search karta hai, to unka wo post search result me 3 ya 4th number page par show hota hai.

Search engine me post search karne par agar koi post 3 number ya 4 number ke page par show hota hai. Iska mukhya kaaran hota hai SEO Friendly ( Search Engine Optimization ) post na likhna.

Mein pahle hi bata chuka hu ki blogger blog me Custom Permalink kaise use kiya jata hai. Aur sath hi mein bata chuka hu ki wordpress blog me Permalink Ki Setting kaise kiya jata hai.

Seo Friendly Blog Post Kaise Likhe

  1. High quality post likhe.
  2. SEO Plugin use kare.
  3. Post ko vistaar se likhe.
  4. Heading 2 or post ke 1st aur last paragraf me main keyword use kare.
  5. Chote chote paragraf me likhe.
  6. Post ke liye keyword research kare.
  7. Permalink ko short rakhe, aur isme apna focus keyword use kare.
  8. Alt tag ke sath post me image use kare. aur image ko rename kare.
  9. Long tail keyword kam se kam istemaal kare.
  10. Post ke tital aur description me main keyword use kare.
  11. Post me internal link or external link use kare.

High Quality Post.

Aap ek blogger hai to ye word aapne jarur suna hoga, Content Is King. Agar aapki writing skil achhi hai. Aur aap apne blog par acche aur “SEO Friendly Post” likhte hai, to aapke site ko search engines me rank karwane ke liye aapka content ( post ) hi kaafi hai.

Lagbhag sabhi professional blogger yahi bolte hai ki aap jab bhi koi post likho to ek high quality post likho. Aur post ko aise likho ki koi bhi visitor aapka post padh kar bor na ho.

High quality post likhne se mera matlab hai ki unique post likhe. Post me short word ka istemaal na kare. Or sath hi jis topic par aap post likh rahe ho, us topic ke sabhi pahlu aap post me bataye.

Koi bhi post ko aap 300 word se kam me na likhe. Aur ho sake to post ko kam se 500, 1000, ya 2000 word ka kare. post ke important word ko Bold, Italic, aur Underline kare.

Sath me apna focus keyword post me jitna ho sake kam se kam use kare. Post me had se jyada focus keyword use karna thik nahi hota. Aur ise post me had se jyada istemaal karne se ulta aapka hi nuksaan hoga.

Agar aapka post 500 word ka hai, to aap apna focus keyword 6 se 7 baar use kare. Aur agar aapka post 1000 word ya isse adhik ka hai, to aap apna focus keyword 10 se 15 baar istemaal kare.

SEO Plugin Istemaal Kare.

Agar aapka blog wordpress platform par hai, to aap apne blog me SEO Plugin install kar ke iski madad se aap apne post me choti se choti galti ko dur kar ke post ko aur bhi SEO Friendly ( Search Engine Optimize ) bana sakte hai.

WordPress platform par bane blog ke liye bahut se pro aur free SEO plugins uplabdh hai. Niche meine kuch plugin ka name bataya hu, jo aap dekh sakte hai.

  1. Yoast Seo.
  2. All In One Seo Pack.
  3. Easy Wp Seo.
  4. Ultimate Seo.
  5. Premium Seo Pack ( Paid ).

Post Vistaar Se Likhe.

Kai new blogger ko meine dekha hai ki unhe apne blog par post publish karne ki bahut hi jaldi hoti hai. Aur wo aadhe adhure jankari post me batate hai. Or post ko apne blog par publish kar dete hai.

Agar aap ek blogger hai, to aap puri kosish kare ki jis topic par aap post likh rahe hai, us post me puri jankari apne reader ko de. Aadhe adhure jankari se bhari post na hi search engines pasand karta hai, aur na reader.

Aap kosish kare post me sabhi pahlu ko rakhne ki. Aur sath me aap post ko jitna lamba likh sakte hai likhe.

Post Ke Andar Keyword Add Kare.

Search engines or lagbhag sabhi SEO Experts ka yahi kahna hai ki aap apne post me apna focus keyword jarur add kare.

Aap apna focus keyword ko heading 2, post ke 1st paragraf aur last paragraf me add kar sakte hai. Lagbhag sabhi post me mein bhi aisa hi karta hu.

Chote Chote Paragraf Me Likhe.

Kai blogger’s hai jo apne blog post to bada likhte hai, lagbhag 1000 word ya 2000 word ka. Par post me kai paragraf unka bahut hi bada bada hota hai.

Bade bade paragraf me post likhne se reader ko post padhne me aur post ko samajhne me pareshani hoti hai.

Aap post ko chote chote paragraf me likhe. Aisa karne se reader ko post padhne or samajhne me aasani hogi. Sath hi aapke post ko search engine bhi pasand karega. Aur aapka post search engine me rank bhi hoga.

Keyword Research Kare.

Kai new blogger hai jo apne post ke liye keyword research nahi karte. Internet par kai aise tools maujood hai, jiski madad se aap apne post ke liye keyword research kar sakte hai.

Agar aap bina kisi focus keyword ke post likhte hai, to mera to yahi manna hai ki wo post kisi kaam ka nahi. Na hi wo post search result me 1st page par aayega. Aur na hi wo post search engine me achha rank prapt kar payega.

Yahan par mein kuch tools ka name aur link de raha hu jiski madad se aap apne post ke liye keyword research kar sakte hai.

  1. Google Adwords.
  2. Moz Keyword Explorer.
  3. Semrush.
  4. Wordstream.

Short Permalink Aur Isme Focus Keyword Istemaal Kare.

Kya aap jante hai aap apne blog post url yaani ki permalink ko SEO Friendly bana kar search engine me achha rank prapt kar sakte hai.

Post ko rank karwane me permalink aham roll ada karta hai. Aap isme apna focus keyword add kar ke post ko aur bhi SEO Friendly bana sakte hai.

Url me sirf apna focus keyword hi add kare. Aur ise jitna short kar sakte hai kare. Yahan par mein good url aur bad url ka example de raha hu, jo aap niche dekh sakte hai.

Example ke liye mera focus keyword hai SEO Friendly Post Kaise Likhe. To mein apne post permalink me ise hi add karunga. Aur permalink me koi extra word istemaal nahi karunga.

  1. Good Permalink : indiamehelp.com/seo-friendly-post-kaise-likhe
  2. Bad Permalink : indiamehelp.com/p?123=?
  3. Bad Permalink : indiamehelp.com/seo-friendly-post-kaise-likhe-aur-post -me-keyword-kaise-use-kare
  4. Bad Permalink : indiamehelp.com/seofriendlypostkaiselikhe

Alt Tag Ke Sath Post Me Image aur video Istemaal Kare.

Post me sirf text hi kaafi nahi hota. Blog post ke andar aap multimedia jaise images aur video bhi use kare. Aur post ke andar kam se kam ek featured image jarur istemaal kare.

Blog post me image upload karne se pahle image ko rename karna na bhule. Aur aap image name me apna keyword add kare. Sath me image upload karne ke baad alt tag me apna focus keyword jarur add kare.

Post ke andar image aur video Istemaal karne se post dekhne me to achha lagta hi hai. Sath me agar aap post ke andar post se judi video upload karte hai, to aise me aapke visitors aapse khasha impress honge.

Post ke andar aap video upload kar ke apne post ko aur bhi jyada useful bana sakte hai. Sath me search engine me aapka post aur bhi jyada achha rank hoga.

Long Tail Keyword Kam Se Kam Istemaal Kare.

Meine kai blogger ko dekha hai ki wo apne post me long tail keyword had se jyada use karte hai. Mera to yahi manna hai ki post me long tail keyword bilkul bhi istemaal nahi karna chahiye.

Aur agar kisi kaaran was post me long tail keyword istemaal karna bhi पड़े to aap jyada se jyada 1 ya 2 baar hi ise istemaal kare.

Aap kisi famous aur successful blog par notice karenge to payenge ki jyadatar famous blog ke post me long tail keyword bahut hi kam istemaal kiya jata hai.

Post Tital And Description.

Jab bhi koi visitor google, yahoo, msm me koi post search karta hai to use search result me post ka Tital aur Description hi nazar aata hai.

Aap apni taraf se post ka tital aisa rakhe jo post se related ho. Aur tital me aapka focus keyword bhi add ho. Sath me use padh kar koi bhi visitor uspar click karna chahe. Tital tag me aap 65 word tak hi istemaal kare.

Post description me aap 165 word ke andar meaningful description likhe. Aur isme bhi apna main keyword jarur add kare.

Internal Link Or External Link Istemaal Kare.

Post ke andar internal aur external link add karna aapke blog aur aapke visitor’s ke liye bahut hi upyogi saabit hoga. Blog post ke andar ye 2 tarah ke link google bhi pasand karta hai

Internal link me aapko apne hi blog ka koi link ya apne kisi dusre post ka link add karna hota hai. Isse ye fayda hota hai ki post ko पढ़ने ke baad visitor post me add dusre post ke link par click kar ke dusra post bhi पढ़ने lagta hai. Aisa karne se 3 fayda hota hai.

  1. Bounce rate kam hota hai.
  2. Page view badhta hai.
  3. Search engine ko pasand hai.

Post me internal links add karne ke baad kam se kam 1 external link bhi jarur add kare. Seo plugin Yoast me post me kam se kam 1 external link add karne ka suggest kiya jata hai.

Aasha karta hu aapko mera ye post seo friendly post kaise likhe aapko pasand aaya hoga. Aap blogging se jude dusre post read karne ke liye yahan click kar sakte hai. Blogging.

About Kishor Kumar Gupta 124 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

14 Comments

  1. Hi नमस्कार sir मै जानना चाहता हु की यदि कोई new वेबसाइट है तो उसे Google search Engine rank करने में कम से कम कितना दिन लगता है |

    • नमस्कार sir, New Blog Ko Google Me Rank Karane Ke Liye Aapko Apne Blog Par High Quality Post, Seo Friendly Post Likhna Hoga, Sath Hi Blog Ko Aur Blog Ka Sitemap Sabhi Search Engines Me Submit Karna Hoga. Blog ko Fast Loading Banana Hoga. Aisa Karne Se Aapka Blog Kuch Hi dino Me Google Me Rank Hona Start ho Jayega…..

    • sir ho sakta hai aapne suna hoga…… har blogger ka apna apna soch hai….. har blogger ek hi tarah se sochta ho aur apni post ko ek hi tarike se search engines me rank karata ho ye jaruri nahi… par mera to yahi manna hai ki had se jyada post ke andar long tail keyword use nahi karna chahiye….. main khud apne post ke andar long tail keyword bahut kam use karta hun….
      google adword free me use karne ke liye aap google keyword planner tool par jaye aur signup kar le, uske baad search for new keywords using a phrase, website aur category par click kar ke kar sakte hai…

Leave a Reply

Your email address will not be published.


*