Whatsapp Group Delete Kaise Kare ( Permanent Delete )

Doston main pahle bhi whatsapp se judi bahut se tips and tricks bata chuka hun. Aaj ke is post me ham ye jaanenge ki whatsapp group ko permanent delete kaise karte hai. Agar aap ye soch rahe hai ki whatsapp group delete kaise kare, to aap sahi post aur website par hai. Aaj ke is post me bahut hi saral tarike aur step by step bataya hu. aap is post ko last tak read kare.

whatsapp group delete kaise kare ki hindi jankari

Kai baar aisa hota hai ki ham whatsapp par group bana lete hai. Aur us group me kuch members ko add kar ke usme text chat, photo animation aur video ko bhi ek dusre ke sath share karte hai. Par jab ham group banate hai, to sayad hi ham sabhi members se puch kar whatsapp group banate hai.

Maan lijiye whatsapp par ek group banaya. Aur usme total 100 members add kiya. To sayad hi ham sabhi members ko bol kar us group me add karte hai. Kai aise bhi log hai jo whatsapp group me rahna bilkul bhi pasand nahi karte. Unhe group me aane wale messages ke notification se pareshani hoti hai. Aur wo us group se left kar jaate hai. Matlab nikal jate hai.

To kai aise bhi members hote hai, jo suru suru me to group me active rahte hai. Par baad me us group se bahut se log nikal jate hai. Aur group suna suna lagta hai. Aur group me baatchit lagbhag band hi ho jati hai. Aise me us group ke kuch member aur admin ko bhi lagta hai ki is whatsapp group delete kar dena hi behtar hoga.

Aur aise bahut se kaaran ho sakta hai group delete karne ka. Agar aapko bhi koi whatsapp group sirdard ka karan ban raha hai. Aur aap us group ko hamesha ke liye delete karna chahte hai ? Agar haan to is post ko last tak dekhe. Is post me aapko iski puri jankari mil jayegi. Mein pahle hi bata chuka hun ki Whatsapp Account Delete kaise kiya jata hai.

Whatsapp Group Delete Karne Ka Kai Karan Ho Sakta Hai.

  • Whatsapp group me bahut kam members ka hona.
  • Group me spam messages ka aana.
  • Members dwara ek dusre ke sath text chat na karna.
  • Members dwara group ka rule na manna.
  • Group bina koi maksad ke banana. Ya members ko group pasand na aana.
  • Whatsapp group notification se paresaani.
  • Bahut saare aise photo, aur video ka aana, jo kisi person samuday ke khilaf ho.
  • Group me 18+ adu*t photo aur video ka aana.
  • Group se aapke mobile number ko lekar members dwara aapko paresaan karna etc.

To doston ab is post ko jyada lamba na karte huye ham ye janenge ki whatsapp group delete kaise karte hai. Aap mere bataye gaye step ko achhe se follow kare. Aur jaane ki whatsapp par banaya gaya group kaise delete kiya jata hai.

Note : Koi bhi whatsapp group delete karne ke liye aapko us group ka admin hona jaruri hai. Agar aap sirf us group ka member hai, to aap us group ko delete nahi kar sakte.

Whatsapp Group Delete Kaise Kare Hindi Me Jankari

Dosto aap sab ki suvidha ke liye mein yahan bata dun ki aapko group delete karne ke liye 3 step ko follow karna hoga. Main bahut hi simple tarika bataya hun. Aap chahe to follow kar sakte hai.

1st : Us group se sabhi members ko remove karna hoga.

2nd : Aapko us group se exit karna hoga.

3rd : Last me aapko group ko delete karna hoga.

To aayiye dekhe ki aisa kaise karte hai.

Whatsapp Group Delete Karne Ka Tarika

1 : Sabse pahle aap apna Whatsapp App ko khole.

2 : Ab aap us Group ko open kare jise aap hamesha ke liye delete karna chahte hai.

3 : Ab aap right side me diye gaye 3 dots jo Menu ka button hai, uspar click kare.

whatsapp group menu option

4 : Ab aap Group Info par click kare.

whatsapp group group info

5 : Ab aapke saamne us group me jinte members add hai, wo sab aapke saamne honge. Aap ek ek kar ke us group se sabhi ko remove kar de. Note : Group se sabhi members ko remove karna hai.

remove whatsapp group members

6 : Ek ek kar ke sabhi members ko remove karne ke baad ab aap Exit Group par click kare.

exit whatsapp group

7 : Exit group par click karne ke baad ab aapke samne delete group ka option dikhai de raha hoga. Aap Delete Group par click kar ke us group ko delete kar de. Lijiye dosto ab aapka whatsapp group hamesha ke liye delete ho chuka hai. Ab aapko aur kuch karne ki jarurat nahi hai.

delete whatsapp group 2

Dosto aasha karta hu aapko mera ye post whatsapp group delete kaise kare post aapko pasand aaya hoga. Aur agar is post se related koi bhi pareshani aa rahi hai to niche diye gaye comment box me comment kar ke bata sakte hai.

About Kishor Kumar Gupta 146 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

Be the first to comment

Leave a Reply

Your email address will not be published.


*