All Devices Se WordPress Blog Ko Remotely Logout Kaise Kare

Hello doston aaj ke is post me hum ye janenge ki ek sath sabhi device se WordPress blog ko remotely logout kaise kiya jata hai. Agar aap ek blogger hai, aur agar aap kai devices jaise smartphone, wordpress android app, laptop, computer etc jaise kai device me ek sath log in kar rakha hai. Aur aap ek sath sabhi device se log out karna chahte hai ? To aisa aap bahut hi aasaani se kar sakte hai.

wordpress blog ko remotely logout kaise kare

Jee haan aisa aap sirf ek click kar ke apne sabhi devices se remotely log out kar sakte hai. Agar aap janna chahte hai ki aisa kaise kiya jata hai ? To aap is post ko last tak dekhe.

Kai baar aisa hota hai ki kabhi kabhi hamara laptop ya computer kharab ho jata hai. Aur hame majburan cyber cafe ya kisi friends ya family ke laptop ya computer ka sahara lena padta hai. Jo khud ka device nahi hota.

Aise me kai baar hum log out karna bhul jaate hai. Aur hame dar satane lagta hai ki kahin wo person jiska device me maine log in kar rakha hai, kahin wo mere wordpress blog me kuch ched chad na kar de. Agar aapke sath bhi aisa hua hai ? Aur aapko dar sata raha hai to aapko pareshan hone ki jarurat nahi hai. Aaj ke is post me maine iska hi solution bataya hai.

Aapko suvidha ke liye main thoda aur vistaar se bata deta hun ki aajkal lagbhag har wordpress blogger apne smartphone me wordpress ka app install kar ke rakhte hai. Aur jahir hai ki jab app rahega to us app ( wordpress android app ) me log in bhi rahega.

Kyunki har koi baar baar log out nahi karta. Aur agar aise me aapka smartphone chori ya kahin kho jaye aise me aap achhi khashi musibat me पड़ sakte hai. Kyunki jisko bhi aapka smartphone hath lagega wo person aapke wordpress dashboard me jake aapke blog me kuch bhi ched chad kar sakta hai. Aise me ghar baithe wordpress blog website ko sabhi device se ek sath log out karna jaruri ho jata hai.

Ek Sath Sabhi Devices Se Log Out Karne Ki Jarurat Kab Hoti Hai ?

Sabse pahle yahan par aapko batata chalu ki iski jarurat blog owner ko hamesha hoti hai. WordPress ka remotely log out features bahut hi kamaal ka hai. Aur mujhe ye feature bahut hi pasand hai. Ye feature aise samay me kaam aata hai, Jab aapka device chori ho jaata hai.

Ya aap kisi aur ke device me aap blog me log in kar ke log out karna bhul jate hai. Is situation me is feature ki jarurat पड़ती hai. Simple sabdon me bolu to ye features security ki nazar se bhi bahut hi badhiya aur jaruri bhi hai.

All Other Devices Se WordPress Blog Ko Remotely Logout Kaise Kare

Aapko suvidha ke liye main yahan bata du ki remotely log out feature ko wordpress version 4.1 me diya gaya tha. Aur is feature ke aane ke sath hi wordpress blogger ke mann se wo bhay ( dar ) bhi chala gaya jo wordpress blogger kisi dusre ke device me apna wordpress dashboard me log in kar ke log out karna bhul jaate the. Kyunki is feature ke aane se wo bas ek click kar ke all devices se wo ghar baithe log out kar sakte hai.

Iske liye log in kiye gaye device ka aapke paas hona jaruri nahi hai. To ab is post ko aur jyada lamba na karte huye aayiye dekhe wordpress blog me ek sath sabhi device se logout karne ka tarika kya hai. Ye bahut hi aasaan hai. Niche maine bahut hi saral tarike se bataya hai. So aap mere bataye gaye step ko achhe se follow kare.

Sabse pahle aap apne wordpress blog ke dashboard me jaye.

1 : Ab aap users par click kare.

2 : Your profile par click kare.

3 : Ab aap scroll down kar ke page me sabse niche jaye, Aur account management ke option me jaye. Aur sessions ke thik samne diye gaye option log out everywhere else ke option par click kare.

log out everywhere else

Congratulations ab aapka kaam ho chuka hai. Aapne apne wordpress blog ko remotely logout kar diya hai. Log out everywhere par click karte hi abhi tak aapne jitne bhi devices me log in the, Ab aap direct log out ho jayennge. Jaisa ki niche diye gaye image me dekh sakte hai.

logout for all devices

Ab aap jab bhi koi dusre device se apne blog ke dashboard me jane ki kosish karenge, To aapko apna user name aur password phir se enter karna पड़ेगा.

note : Aapne jis device se mere bataye gaye step ko follow kiya hai, Usme aap log out nahi honge.

Doston aasha karta hun mera ye post wordpress blog ko remotely logout kaise kare aapko pasand aaya hoga. Aur agar isse sambandhit koi paresaani aa rahi hai ya koi sawal ya sujhau hai, to niche diye gaye comment box me comment kar ke jarur puche. Aap chahe to is post ko social media par share kar sakte hai. Aur agar aap wordpress se judi dusri post read karna chahte hai to yahan click kare. Thank you.

About Kishor Kumar Gupta 124 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

2 Comments

  1. bhai mera bloge url jb m open kr raha wo sbi mobil open ho raha usy log ouT KRNE K WAAD KISI K PHONE M URL MERA CHLEGA TO NI

    • aap apne browser jisme aap blog ko open karte hai uska history, password, data, cookies etc delete kar de. aur uske baad aap apne blog ko open kare….aur rahi baat kisi dusre ke smartphone me aapka bank open hone ki to dusre ki mobile me aapka bank account open nahi hoga….

Leave a Reply

Your email address will not be published.


*