WordPress Blog Me Cloudflare CDN Setup Kaise Kare

Agar aapke wordpress blog ka loading speed slow hai, to aap apne blog par Cloudflare CDN setup kar ke aur phir uske baad blog par cloudflare flexible https enable kar ke apne blog ki loading speed kuch had tak fast kar sakte hai.

Blog ki loading speed fast hona bahut hi jaruri hota hai. Jyadatar log slow loading blog ko visit karna pasand nahi karte. Aur blog ko apne browser me open hone se pahle hi band kar dete hai. Main bata chuka hu ki old post Revisions ko delete kaise kiya jata hai.

blog me cloudflare cdn setup kaise kare

Site ki loading speed fast hone par slow internet connection me bhi site browser me jaldi open ho jata hai. Aur fast loading site ko visitors bhi pasand karte hai. Aap apne wp blog par cloudflare cdn setup kar ke blog ko fast loading bana sakte hai.

Aapko jankari ke liye batata chalu ki search engine me aapke site ki loading speed bahut mayne rakhti hai. Agar aapka site fast loading hai, to aapka site or post search engines me achha rank prapt karega. Wp blog me SEO friendly Permalink Setup ke bare me main pahle hi bata chuka hu.

Blog/website ki loading speed fast karne ke bahut se tarike hai. Iss post me cloudflare cdn setup ke bare me bataya gaya hai. Jiski setting aap apne blog/website par kar ke apne site ko fast loading bana sakte hai. Cdn setup karne ke baad aap apne wordpress blog me Cloudflare ki madad se free me https enable bhi kar sakte hai. Iske liye aapko ek bhi paise kharch karna nahi hoga.

Cloudflare CDN Kya Hai ? Or Isko Use Karne Ke Fayde

CDN ka matlab “Content Delivery Network” hota hai. Cloudflare CDN ek web application firewall, Distributed Proxy Server hai. Ye aapke website ke liye security wall ( diwaar ) ki tarah kaam karta hai. CDN setup ke dauraan aapko apne domain name server ko cloudflare ke name server se change karna hota hai.

Name server change karne ke baad aapke website par aane wale traffic ko cloudflare ke server se ho kar gujrna hoga. Cloudflare cdn aapke website ko speed up to karta hi hai. Sath hi ye spams, security attackers or unwanted traffic ko bhi rokta hai.

Cloudflare cdn ka mukhya kaam server or visitor ke bich data transfer karna hai. Isse aapke website ka data secure ho kar receive aur send hota hai. Aapko jankari ke liye batata chalu ki jab aapka hosting server down ho jayega, iss situation me bhi cloudflare work karega.

Blog Ke Liye Cloudflare CDN Setting Kaise Kare

Jyadatar hosting ke cpanel account me cloudflare ka option diya gaya hota hai. Aap chahe to apne hosting provider ke customer care me call kar ke or unse baat kar ke unhe cloudflare install karne ko bol sakte hai. Wo aapke wordpress blog par install kar denge.

Iss post me manually setup karne ke bare me step by step jankari di gayi hai. To der kis baat ki aayiye jane ki wordpress blog me cloudflare CDN setup kaise kiya jata hai.

STEP 1 :

1 : Cloudflare.com par jaye aur Signup ke option par click kar ke account create kare.

STEP 2 :

2 : Cloudflare dashboard me jaye aur Add site par click kare.

add site on cloudflare3 : Blog Ka Address enter kare. Aur Begin Scan ya Add Site par click kare.

add site

 

4 : Cloudflare ab aapke domain ka DNS record scan karega. Scan Complete hone ke baad aapke samne next ka option show hoga. Aap Next par click kare.

next option

5 : Free Plan ko select kare or Confirm Plan par click kare.

chose plan

6 : Confirm plan par click karte hi terms and condition show hoga. Agar aap terms and conditions se sahmat hai to aap Confirm Plan par click kare.

7 : Admin, Mail, Cpanel, www, www.admin, Webdisk, Webdisk.admin or Whm ye sabhi kisse ho kar gujrega wo show hoga. Agar aap in sabhi ko cloudflare se ho kar gujarna chahte hai to aap status ke niche sabhi cloud icon par click kar ke use orange color ka kar de. Aisa karne se ye sabhi chizen cloudflare se ho kar gajrega. Ya aap ise skip kar ke Continue par click kare.

continue option

8 : Ab aapko apne domain ka name server cloudflare ke name server se change karna hai. Diye gaye dono name server ko Copy kare. Aur apne computer ke notepad me Paste kare.

copy nameserver

Domain Name Servers Update Kaise Kare

1 : Kyunki aapko apne domain ka name server change karna hai, isliye aapne jahan se domain buy kiya hai uske account me Log In kare. Agar aapka domain godaddy par register hai to aap is post ko follow kar sakte hai. Godaddy Domain Name Server Change kaise kare. Or agar aapka domain kisi aur website par register hai to aap niche bataya gaya step ko follow kare.

2 : Ab aap apne Domain >>>> DNS >>>> aur phir Edit NameServers par click kare. Aur Custom Nameservers Select kar ke name server 1 ke box me 1st nameserver code Paste kare. Aur phir name server 2 ke box me 2nd nameserver code Paste kare. Or phir Change Nameserver ke option par click kare.

change domain nameserver

Aapka Site Cloudflare Par Active Hua Ya Nahi Kaise Check Kare

Aapko jankari ke liye batata chalu ki cloudflare nameservers 5 se 15 minutes ke andar update/active ho jata hai. Par kabhi kabhi 24 hours tak ka samay lagta hai. Agar aap janna chahte hai ki aapke domain ka nameservers update ho kar cloudflare par active hua hai ya nahi to iske liye aap apne cloudflare account me jaye. Or upar right side me aapke dwara add kiye gaye site par click kar ke dekh sakte hai. Agar aapka site active ho gaya hoga to wahan par active likha show hoga.

active site status

Ise Bhi Read Kare

Asha karta hu aapne apne wp blog me cloudflare CDN setup achhe se kar liya hoga. CDN setup karne ke baad aap apne wordpress blog me https enable karne ke liye yahan click kar sakte hai. WordPress blog me Cloudflare Ki Madad Se Https kaise lagaye. WordPress se related dusre post read karne ke liye yahan click kare – WordPress.

About Kishor Kumar Gupta 124 Articles
मेरा नाम किशोर कुमार गुप्ता है । और मैं ओड़िशा ( इंडिया ) में रहता हूँ । मुझे लोगो की हेल्प करना अच्छा लगता है । और मेरा इस वेबसाइट IndiaMeHelp.com बनाने का मकसद भी लोगो की हेल्प करना है । अगर आप मुझसे संपर्क करना चाहते है, तो आप मेरे इस ईमेल एड्रेस [email protected] पर ईमेल और इस +919090062359 Whatsapp नंबर पर मैसेज कर सकते है ।

2 Comments

  1. sir mere website rank Nahi ho paa rahi, bahut ache se article likhta hu fir bhi na toh acche post view aate hai or nahi revenue

    • Sir aap apne website ko sabhi search engines jaise google, yahoo, bing, baidu etc me submit kare, or website ka sitemap bhi sahi tarike se search engine me submit kare.
      post me focus keyword add kare.
      high quality or SEO FRIENDLY post likhe.
      website par copyright post publish na kare.
      apne post ko social media platform jaise facebook, twitter, google plus etc platform par share kare.
      apne website ke liye backlink banaye.

Leave a Reply

Your email address will not be published.


*